إذا كانت هذه هي زيارتك الأولى، فيمكنك زيارة قسم
مساعدة
من خلال النقر على الرابط. قد يتعين عليك
التسجيل
قبل أن تتمكن من النشر، انقر فوق رابط التسجيل للمتابعة. لبدء عرض المشاركات، اختر المنتدى الذي تريد زيارته في قسم المنتديات.
استاذ سامي مع الاعتذار انوا انا عملت ستاج مع ميكانسيان مالقيتش عندوا diagnostic على خاتر مولا القراج هزها لإيطاليا باش اصلحها (تاحت banne حتى هيا)
لكن عمات مجهودي وجبتلكم تبديل محرك audi a3 tfsi
جاء مولا الكرهبة هاذي قال الي موتور متاعها تعب ياسر اوياكل في الزيت دخان ابيض ياسر اوزيد ماتجاوبش جملا اوزيد على هذا الكل Boîte de vitesses حتى هيا تاعبة مشكلة في الديزيام والكاتريام
قال موش نبدل المحرك و Boîte de vitesses مع بعضهم
نحكيلكم شويا على خصائص الكرهبة هاذي
سيارة المانية من شركة اودي خرجت عام 2016
تعتبر Audi A3 TFSI سيارة مدمجة متميزة مصممة لتصميمها الأنيق وأدائها الديناميكي وتقنياتها المتقدمة. فيمايلي شخصياتها الرئيسية
المحرك والأداء
TFSI: تقنية الحقن المباشر مع الشحن التوربيني لتحسين الكفاءة والأداء. • السلندرأو 2.0 لتر
(4 سلندر)
الدفع: بشكل عام بين 110 ساعة و190 ساعة بعد مغادرة المحرك
فيها turbo
يدوية 6 سرعاتboite vitesse بالنسبة
: يتراوح استهلاك المحرك بين 5 و7 لتر/100 كلم التسارع (0-100 كم/ساعة) 8 و10 ثوانٍ للإصدارات الكلاسيكية. Caption
شادة نهارين في تبديل المحرك
بدينا حلينا باراشوك و accessoires متعاها مبعد حليت circuit de refroidissement مشالله زايد مع الالمان كل شيء فيه برشا details كملت حليت circuit electrique
هبطنا تحت الكرهبة حلينا العجل خرجنا cardon مل موايي
زدت كملت حليت boullon متع support مولوطا
حليت support moteur et boite vitesse
خرجنا موتور او حطيناه جنب مرتور جديد مع الاسف موتور جديد
turbo مظروب ركبنالوا turbo قديم اوركبت circuit electrique كملت عملت شوية rettouche تهنينا على كل الشيء ركبنا الموتور خدمناه الحمدلله خدم ماتعبناش تاسهيلات من عند ربي اكهو كملنا ركبنا les support وال les cardon
بدلنا زيت جديد للموتور وبوات فيتس
ركبنا circuit de refoidissement رجعنا parachoc
وخليناها على جنب باش كي تجي diagnostic نعملواها test و نعدلوها remise a zero .
هاذي تصاور المحرك القديم والجديد
انشالله ايكون عجبكم الموضوع الي حكيتلكم عليه .
انشالله ربي ايوفك زملائي يارب العالمين و ربي يباركلك استاذ سامي وشكرا جزيلا لك لمجهودك في التعامل وتعليمنا في الميكانيك
وآخر كلامي اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، وبَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ. اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ.
تويت
هاذي تصاور المحرك القديم والجديد
