Mercedes Benz Bus OC500

[أيمن محرزي]

بسم الله الرحمان الرحيم

من آخر أيامات الستاج السابق جاتنا كار الجهوية صفاقس فيها مشكل البواطا مانيال و الأيامات إلي الفاتت جاتنا الأوكي وتوكلنا على ربي...عملت الأنتري
بالمكينة الدياغنوستيك و عملت تست ربيد و سجلت الكار

.نحيت الكوص و هبط الفوص نحيت الكردون و طيحت الماء ردياتور و نحيت الفيسو من فوق البواطا مبعد نحيت السيرفو الأمبرياج نحيت منو التيب متاع الهواء وعلقتو على الشسي، كاليت البواطا بل الكريك هيدروليك مبعد طلعت فوق الكار ربطت البواطا بالسلسلة و ربطتها بالبلنكو مل السبورات مبعد ربطت الموتار من السيبور باش نكليه الفوق شوي باش البواطا تخرج مرتاحة ،نحيت جعب الماء ونحيت 12 البولونات مل الكلوش و كبست البواطا مل البالانكو مل الفوق وعودت هبط للفوس
خضيت البواطا يمين ويسار



خرجت حلوى الحمد الله و طيحتها بالكريك.







مبعد ما نظفتها بالمازوط والماء و الهواء مشيت نشوف الأمبراياج نلقاه كحال وليت طيحتو نلقاه الديسك يبطيني و حمار و الكيت كحال بالرغم مازال كيف تركب عمل بيه 15000 كم وهو أدبتال سلعة الشنوة وليت فكترت أمبرياج جديد مبعد مارجعت للشاف وعودت ركبتو وكبستو بلكلاي
الدينمومتريك.




حطيت البواطا على الطاولة وطيحت الزيت مل البوشون حليت 12بولونة مل الملتيبلكاتور التيتونات كاسحين جبت مطرقة و تفيلة و فصلت الملتيبلكاتور على الباطا نلقى البراويلا يلزمها تتبدل هي و البومب الزيت كيفكيف. قلبت الباطا على فمها و حضرت البومب هيدروليك إلي باش نخرج بيها الرولمان و نحيت 4 الفورشات و التيجات و التيب متاع الزيت وكملت نحيت أربر الأنترمديار إلي لزمها تتبدل البنيون السنون تاكلو و حراشو و أربر سوكوندار لقيت الفيتاس الترسويام و السكنيام مل البنيون و السنكرو والكون سنكرو والبلادور والرولمون و السيركليبس كلهم حراشو السنون و
...تكلو و الفيتسات يلاشو و فما بافير في وسط الباطا و حتى مل بريس ديراكت الرولمون و البينيون لازم يتبدل...



















جبنا البياسات الجدد وتوكلنا على ربي...



جبت السشوار باش الرولمون يدلتا ويدخل مرتاح في البريس ديراكت.




الأربر سوكوندار ركبت البينيون مرش أريار إلي هو السنون متاعو يكونو عكس السنون لخرين مبعد ركبت بينيون البريميام والرولمون مسحتو بالزيت و ركبت السنكرو و كون سنكنرو والسيركليبس والبلادور ٬ كل زوز فيتاسات في بلادور وكل مايكبر الفيتاس تنقص الدورة هذاكا علاش الفيتاس السيزيام البينيون أصغر واحد والفيتاس البريميام أكبر واحد.
ركبت بينيون الدوزيام والرولمون مسحتو بالزيت و ركبت السنكرو و كون سنكنرو ومبعد ركبت بينيون التروزيام والرولمون مسحتو بالزيت و ركبت السنكرو و كون سنكنرو والبلادور باش يفريني ونفس العملية مع الفيتاس الكتريام و السسكنيام في البلادور واحد والسيزيام فيتاس هو بيدو بريس ديراكت كملنا الفيتاس بلبينيون السنكرو و كون سنكنرو و الرولمون إلي حليناها بالسشوار باش ديلاتا جبت الكلاي شوك سونس حلان باش نزينو السيركليبس وهكاكا الأربر سوكوندار كملت.
مبعد ماحضرنا الأربر سوكوندار و الأربر آنترمديار ركبت البراويلا و البومب الزيت إلي فاها ميز أن بوان ونتبعوها بالمايي خاتر سنسيبل برشا.

ركبت البينيون إلي باش يربط الأربر سوكوندار بالأربر آنترمديار و يجي في آخر الباطا، ركبت الأربر سوكوندار مبعد ربطتها بالجيراف ركبت 4 فورشات و 4 تيج و تيب تاع الزيت وكل زوز فيتسات في فورشات و تيج واحد، إلا المارش أريار تيج و فورشات واحد.جبت رلونش فكسيتها في الأربر سوكوندار باش نجم نركب معها الأربر آنترمديار في البطا مبعد ركبت البريز ديراكت على الأربر سوكوندا و كملت سكرت الباطا وعمتلها بات و ركبت الملتيبلكاتور.
في الأخير ركبت شمبر دو كلوار إلي هو باش يعدي لاي التيج و عمتلو بات قبل ما نزينو و بعد ركبت شمبر دو فيتاس إلي هو باش يعدي لاي
الفيتسات عن طريق لاي تيج
و كملت ركبت كابتور مارش أريار و بوان مور و البرسيون والزيت
و خدمنا الكار و الفيتسات جوهم باهي وكملت

البطا كملت و الحمد الله مشينا ركبناها كيما طيحناها و ركبنا فيلتر الهواء و 35 لتر ماء و صبينا الزيت 85
w90
و خدمنا الكار و الفيتسات جوهم باهي وكملت جبت ماكينة الدياغنوستيك عملت تست ربيد و دخلت للكلكيلاتور
CPC
عملت إنسياليزسيون للأمبراياج و سرتي للكار،
مبعد خرجنا جربنا الكار و الحمد الله