إعـــــــلان

تقليص
لا يوجد إعلان حتى الآن.

kmPanne Renault Express à seulement 2400 !!!!!

تقليص
X
 
  • تصفية انتقائية
  • الوقت
  • عرض
إلغاء تحديد الكل
مشاركات جديدة

  • kmPanne Renault Express à seulement 2400 !!!!!

    السلام عليكم و رحمة الله تعالى ليوم باش نحكيلكم على عطب جانا في سيارة تجارية للمصنع رونو.

    سيارتنا ليوم اسمها van express و تجينا بمحرك dci 1.5 (K9k) في حالته الجديدة 95 زايلة و علبة 6 سرعات يدوي و240 عزم دوران.
    سيارة هذي هي في الاصل معوضة للسيارة الغنية عن التعريف Dacia dokker.

    الكرهبة هذي تجينا بل plateforme CMF-B الغنية عن تعريف هي plateforme ال Clio 5 و مودالت اخرى من المجمع رونو. السيارة هذي تجي ب essieu arrière متع الميغان 3 مع بعض التغيرات لضمان حسن التعامل مع الطريق وضمان الحمولة القصوى الي هو 800 كغ.

    سيارتنا ليوم جاتنا على remorquage لانها لا تشتغل عمر السيارة اسبوعين و 2400 كلم في العداد ؛ اجرينا اللقاء مع صاحب السيارة للتقرب من العطب او الافادة من معلومة و لكن خير انو لا يفيدنا بمعلومة مع الغضب الشديد لان السيارة مزلت جديدة و لم تبلغ الشهر و يمكن تفهم هذا الانفعال اللا ارادي، ادخلت السيارة الى ورشة العمل و اول حاجة قسنا el batterie الي لقيناها طايحة بسبب محاولة صاحب السيارة لاشغلها بدون جدوى جبنا بطرية جديدة و لم يكن ذلك المشكل. توجهنا الى الكاشف الالكتروني clip Renault لعله يفيدنا بمعلومة ولكن دون جدوى شكينا في code clé لكن الشك لم يكن في محله. بدينا نتبعو في سيارة في les paramètres لعلا و عسا نعثر على حاجة تقربنا من العطب قسنا في مرحلة اولى السلك المسؤول على régulateur de débit الي تتراوح قيمته بين 9 و 12 فولت حسب معايير المصنع لقينا 9.44 فولت الي يعتبر مقبول؛ بديت نقرا ونتبع فلعامل متغير في التجربة لين لقيت paramètre مهم الي بدا يحطنا في ثنية الي هو présence d'eau dans le gasoil.

    من هنا بدينا نتبعو في circuit المازوط و البداية بدات من الفلتر اخذينا عينة منه للتحليل و التثبت منه. المازوط الي كان متواجد في الفلتر كان لونه داكن مقارنتا بما كنا ننتظر ان يكون وكان ملوث و كانت رائحته مختلفة تمام بما كان ننتظر كان خليط بين المزوط العادي والمزوط 50.هزيت عينة منو الي هو واحد لتر حسب تعليمات الdialogise الي هو يعطيك المراحل لي تتبع من العطب و هزيت وزنتو على ميزان بغرام sous la consigne الي المازوط 50 واحد لتر لازم يوزن بين 830 و 850 غرام لا اكثر و لا اقل لم اجد هذا في العينة الي هزيتها دون 800 غرام يعني المازوط non conforme يجب تحليله عند مخبر spécialiste؛ ومن هنا بدأت الرحلة للتثبت من ما تسبب فيه هاذا الخليط من اعطاب..

    اضغط على الصورة لعرض أكبر. 

الإسم:	 
مشاهدات:	0 
الحجم:	31.8 KB 
الهوية:	7863

    اول حاجة بديت بها هي التثبت من حقنات الوقود هل هنالك ضرر ما حصل اولا حطيت les eprouvettes على مجاري عودة الغزوال و شغلت السيارة لمدة 15 ثانية حسب الي امرنا به المصنع بل dialogise و مراحل للاتباعها. يقول المصنع ان كان هنالك عودة اكثر من 1.5 مل في الحاقن فيجب تغييره كانت كل الحاقنات اقل من 1.5 مل الا الحاقن الثاني الي وصل 15 مل عودة يعني عشرات اضعاف ما حدده المصنع يعني الحاقن الثاني تالف و يجب تغييره اما قبل كل شي يجب افراغ دائرة الديزل وتنظيف الخزان و اعادة ملئه بديزل 50 نظيف و غير ملوث.

    كان يجب علينا كذلك التثبت من حسب مرور الكهرباء في اسلاك الدائرة المأدية الى الحواقن الاربعة و بل التتبع مخطط الكهربائية؛ وجدنا 200 كيلو اوم للحاقن الواحد وهو ما يعتبر مثالي حسب معلومات المصنع يعني العطب هنا ميكانيكي وليس الكتروني. من المعلومات التي يجب تثبت منها هو ضغط المحرك داخل غرفة الاحتراق لذلك يجب التثبت منها قبل تغيير اي قطعة و تثبت منها عن طريق ايزال شمعات التسخين و تركيب ال compressionmetre و اشغال المحرك لمدة عشرين ثانية وتحصلنا على 20 bar في كل غرفة وهو يعتبر ممتاز جدا حسب تطبيقات المصنع.

    ركبنا الحاقن الجديد من المصنع continental سعرها ثلاثة الاف دينار و اضفت الديزال الي الخزان الفارغ و توكلنا على الله لتشغيل المحرك ؛ اشتغل المحرك الحمد الله و هذا جزء من نجاح العملية و لكن هنالك انبعثات لمخلفات الديزال القديم ؛ اخرجنا السيارة من الورشة بسبب الانبعثات الخطيرة على صحة العمال داخل الورشة و لاكمال الاجراءات اللازمة للاصلاح العطب.

    اضغط على الصورة لعرض أكبر. 

الإسم:	 
مشاهدات:	0 
الحجم:	50.1 KB 
الهوية:	7865

    قمنا بربط الكاشف اللكتروني لالتثبت من صحة العمل وادخال مشفرة الحاقن الجديد والتتبع المتقن لايجاد حل للسيارة قمنا ب régénération للسيارة و تثبت من معلومة نسبة وجود السخام داخل مصفي الجسيمات في بداية كانت حوالي 53.4 غرام و بعد التجديد اصبح في 39.7 غرام يعني نسبة الجسيمات نقصت و لكن 39.7 غرام يعتبر كثير جدا حسب تطبيقات المصنع يعتبر اكثر من 1/3 وهو من ينجر عنو في اول تغيير حساس مسبار امونت لانها تلفت و في الحالة الثانية تغيير مصفي الجسيمات؛

    اضغط على الصورة لعرض أكبر. 

الإسم:	 
مشاهدات:	0 
الحجم:	65.8 KB 
الهوية:	7864


    قمت بتغيير زيت المحرك والفلتر بعد عملية التجديد نظرا لتلوث الاشعاعي للزيت ومن هنا جاء دوى المختبر للاختبار السيارة عن الطريق و الافدئة بمعلومة ان حصل تغيير ما في سيارة ؛ لم يحصل تغيير كبير في سيارة الا ان نقص الانبعاث و لكن لم نجد حل سريع نظرا لعدم وجود هذه القطع؛ سوف نوافيكم بمعلومات في فرصة قادمة واتمنى ان حصلت الافادة واختمها بصلاة وسلام على رسول الله و تمنى للجميع التوفيق اجمل تحيات زميلكم يوسف الزويني و سلام عليكم و رحمة الله تعالى .


  • #2
    لم استطع تحميل كل الصور و الفيديوهات .... مشكل في منصة

    تعليق


    • #3
      الفيديوهات لا ترسل إلى الموقع
      يتم فقط وضع روابط من يوتيوب و غيرها و يظهر الفيديو مباشرة في المنشور
      التعديل الأخير تم بواسطة سامي بن خضرة; الساعة 11-12-23, 20:08.
      أَحَبُّ النَّاسِ إِلَى اللَّهِ أَنْفَعُهُمْ لِلنَّاس
      إِنّ اللَّهَ تَعَالى يُحِبّ إِذَا عَمِلَ أَحَدُكُمْ عَمَلاً أَنْ يُتْقِنَهُ

      تعليق


      • #4

        تعليق


        • #5

          تعليق


          • #6

            تعليق


            • #7

              تعليق


              • #8

                تعليق


                • #9

                  تعليق


                  • #10
                    كي نعمل sélection متع تصاور تطلعلي هذي

                    تعليق


                    • #11
                      خدمة قوية يمكن احسن منشور تو نرجعله و نجاوب عليه
                      أَحَبُّ النَّاسِ إِلَى اللَّهِ أَنْفَعُهُمْ لِلنَّاس
                      إِنّ اللَّهَ تَعَالى يُحِبّ إِذَا عَمِلَ أَحَدُكُمْ عَمَلاً أَنْ يُتْقِنَهُ

                      تعليق


                      • #12
                        يعطيك الصحة يوسف برشة معلومات و انظباط كبير في التشخيص تخلي الواحد يحاول يفهم معاك المشكل و عندي بعض الملاحظات:

                        - الكرهبة جديدة و هنا في الكراهب الجديدة الي راجعة أقل من 3000 كلم يعني تقريبا يلزم الواحد يتجه تفكيره لاحتمال سوء الاستعمال قبل احتمال مشكلة في التصنيع. ساعات الحريف يتغشش و يتفجع على كرهبته الجديدة أو ربما تلقاه عامل عملة و يحاول يعمل فيلم باش يغطي على روحه و في كل الحالات ينقل الستراس للمدير كانه معرفة و لمسؤول الورشة ثم يهبط الضغط على التكنيسيان و ساعات يتمهمش و يهبط يفرك في الكرهبة و هي جديدة و المشكل في الأصل يبدا عند الحريف.

                        - هذه كرهبة ما حبتش تخدم و الديمارور يدور لين طيحت البطري و الي هي غريبة مفروض الحريف يجيب الكرهبة بالوقت اما وصل طيح البطري يعني امر غير عادي و فيه تفسير ومعنى ما يلزمش يغفل على التكنيسيان و بسيكولوجي الحريف تعاون برشة في تشحيص الكرهبة.. ساعات الحريف كي يعمل عملة يتفجع و يزيد الطين بلة.. على كل أول شيء يلزم نشوف ضغط المازوط كيف الكرهبة ما تخدمش حتى و لو كانت ماشية 100 كلم جديدة باكو و تصير برشة أنه المازوط يضرب الكراهب الجديدة

                        - و هنا ظاهر أنه فعلا كانت مشكلة متع مازوط بسبب رجوع قدر كبير برشة روتور في انجكتور و هذا الي طيح الضغط و ما خلاش الموتور يخدم، و يعطيك الصحة في تشخيص حالة المازوط
                        - مدة تدوير المحرك 15 ثانية هذا جنوني من عند رينو و غريبة ياسر و تقصف عمر الديمارور .. 5 ثواني تكفي و يظهر المشكل اذا موجود
                        - الدخان الي خارج هو دخان مازوط غير محروق وصل لل echappement و ترنخ غادي و ساهم في انسداد فيلتر الجزيئات الي هو انسداد غير عادي في كرهبة جديدة و ماهوش suie كيما ظهر في جهاز التشحيص يعني كربون بل في الغالب هي غازات مازوط غير محروق خرج من المحرك و رجع لحالة شبه سائلة في فيلتر الجزيئات، على كل ارتفاع مستوى زيت المحرك يؤكد او ينفي هذه الفرضية

                        - الي يلزم هو تغيير و تمصميص الخزان و قنوات المازوط ثم سير بالكرهبة لأكثر من ساعة لحرق المازوط في echappement مع مراقبة مقاييس الحرارة قبل و بعد فيلتر الجزيئات الي اذا كانت مرتفعة فهذا ياكد تشخيصنا و ربما ارتفاع الحرارة برشة بسبب وجود المازوط هو الي سبب مشكل في مقياس حرارة فيلتر الجزيئات

                        - على كل هذه ملاحظاتي حسب المعلومات الي قدمتها و يعطيك الصحة مرة اخرى على اهتمامك بالتفاصيل و التفكير المنظم
                        التعديل الأخير تم بواسطة سامي بن خضرة; الساعة 11-12-23, 21:07.
                        أَحَبُّ النَّاسِ إِلَى اللَّهِ أَنْفَعُهُمْ لِلنَّاس
                        إِنّ اللَّهَ تَعَالى يُحِبّ إِذَا عَمِلَ أَحَدُكُمْ عَمَلاً أَنْ يُتْقِنَهُ

                        تعليق


                        • #13
                          سلام عليكم و رحمة الله 15 ثانية هو ما امرنا بيه المصنع حسب dialogise و مازوط هو الي ضرب الحاقن بنسبة لمشكل فيلتر الجزيئات ممكن من المازوط العادي الي نسبة عالية من الكربون و جزبئات اخرى مما ادى الى انسداد بعض المجاري لفلتر الجزئيات على كل حال سوف اوافيكم بمعلومات في الايام القادمة كان لي شرف كبير لافادة الجميع بالمعلومات الي حصلت و نشالله القادم خير

                          تعليق


                          • #14
                            اضغط على الصورة لعرض أكبر. 

الإسم:	IMG_20231211_104945.jpg 
مشاهدات:	58 
الحجم:	50.4 KB 
الهوية:	7940

                            تعليق


                            • سامي بن خضرة
                              سامي بن خضرة تم التعليق
                              تعديل التعليق
                              تقولش عليه الفيلتر تعرض لسخانة مطولة غير عادية و هذا في اتجاه التشخيص الي قلناه يعني مازوط تعدى للكتاليزر و الفيلتر بسبب مشكل في انجكتور أو اكثر

                          • #15
                            الملفات المرفقة

                            تعليق

                            يعمل...
                            X