تقرير حول تشخيص و اصلاح عطب في سيارة Mégane 4

[حامد زكري]

بسم الله والصلاة والسلام على رسول الله
تقرير حول تشخيص و اصلاح عطب في سيارة Mégane 4

اول حاجة نبداو بتعريف السيارة و نذكر بعض خصائصها:

السيارة هي Renault Mégane IV 1.6 dci 130

تجينا بمحرك ديزل 4 اسطوانات سعة كل اسطوانة 1598cm3

Moteur : Diesel, 4 cylindres turbo
Cylindrée : 1 598 cm3
Puissance : 130 ch à 4 000 tr/min
Couple : 320 Nm à 1 750 tr/min
Transmission : Aux roues AV
Boîte de vitesses : Mécanique, 6 rapports
0 à 100 km/h : 10 secondes
Vitesse maximale: 198 km/h

ثاني حاجة نبداو نسالو الحريف على سبب المشكل
و التصليحات اللي تعرضتلها السيارةخاتر سعات الاسباب تكون
في الحرفي اللي قبل ينجم يكون نسا حاجة و لا غلط في حاجة

المهم بعد ما استفسرنا الحريف قلنا اللي هو مشا لاكثر
من ورشة تصليح و عمل تشخيص للسيارة لاكن ما خرج حتى ديفو
و فما ميكانيسيان قلو لازم ننضفو
(catalyseur) و (vanne EGR)

و حتى كي نضفهم العطل موجود
باقي فما نقص العزم في المحرك (manque de tirage)
وبالنسبة لمشكلة نقص العزم في المحرك عندها برشا اسباب

تنجم تكون من
(débitmètre d'air) (électrovanne)
(capteur de pression)(Turbo)…
اول حاجة بش نجربو نشوفو (turbo) و (électrovanne) يخدمو ولا لا
عن طريق انو نشغلو السيارة و نكسيلاريو و ننزلو على (durite de turbo)
كان فما ضغط في durite يعني ما فماش مشكل

و كي نزلنا ما فماش ضغط و باش نعرفو المشكل من turbo او électrovanne
نلغيو électrovanne عن طريق ربط turbo مع pompe a vide direct

كيما في التصويرة الجاية

و كي عاودنا جربنا التيربو يخدم جو باهي اكاكا حصرنا
المشكل في ال électrovanne و بدلناهاو رجعت
السيارة تخدم و تصلح العطل اللي كان فيها

و في الختام شوية نصائح اذا واجهتك نفس المشكلة تنجم تجرب تنحي الفيشة
متع capteur de pression
و تجرب الكرهبة كان منو تو تولي تخدم الكرهبة مريقلة

يعني تنضفو ولا تبدلو منو هو المشكل.
ولا فيشة débitmètre d'airنفس الحكاية
بطبيعة الحال نلتجا للطرق هذي في حال عدم توفر اجهزة التشخيص او عدم تعرف
جهاز التشخيص على العطل
و السلام عليكم و رحمة الله