Golf 6 1.2l

[Borcheni wassim]

بسم الله الرحمان الرحيم
و
السلام عليكم و رحمة الله و بركاته

ليوم جانا client يشكي من كرهبتو ايلي جابها على الSOS و ايلي هي GOLF 6 1.2L Boite DSG قال ايلي هي ما حبتش تخدملو أول حاجة عملناها حبينا نجربو نخدمو الكرهبة باش

نتاكدو ياخي طلع كلامو كلو صحيح من هوني قبلناها انا وزميلي و مدينا الappareil diagnostique و عملنالها الdiagnostique و طلع ايلي الdéfaut من الmécatronic و les

vitesses ما يتعداوش و هوني نعرفو الboite DSG ايلي صنعتها wolksvagen إلي هي فيها beaucoup de défaut و من هوني دخلنا الcalculateur de boite و لغينا

الcapteur de sécurité باش نخدمو الكرهبة و نثبتو من les valeurs réelles d'alimentation de pression ياخي لقيناهم طايحين كيما هما قدامكم تو.

و من بعد directement دخلنا الكرهبة للgarage و تلعناها على الpont، أول حاجة كنا باش نعملوها هي نحيو الcache sous moteur يخي malheureusement لقيناها منغير و

هذي حاجة فيها برشة risques كيما على الcarter و غيروا و من بعد نحينا الdurite turbo ايلي يعرضلنا باش نحيو الmécatronic كيما باش تشوفو معانا تو.

و من بعد ما نحينا الmécatronic حطيناها في بلاصة نظيفة باش نبعدو على أي risques بT30 مديت مفتاح 12 و حليت الcage noir

من بعد رميناها عل بريسا باش نحلو الaccumulateur de pression d'huile و يلزمنا نحلوه بشوية بشوية خاطر فيها pression قوية برشة

توصل طير من بلاصتها.






و نحينا الbloc hydraulique باش نبدلوه بواحد جديد كيما باش تشوفو معانا ايلي على اليسار القديم و ايلي على اليمين الجديد







و من بعد بدلنا les accessoires الكل في الbloc الجديد







و من بعد رجعنا الbloc hydraulique في بلاصتو و بونتينا les visses و كبسناهم بT30







و من بعد رجعنا سكرنا الaccumulateur de pression d'huile و كبسناه بM10 و عاودنا سكرنا الcage noir و بعد ركبنا les deux tiges و من بعديكا صبينا الزيت لين تعبات لكلها و هو normalement فما appareil تعطي الdosage المعين لكل boite







و فلخر رجعنا ركبنا الmécatronic فالboite و رجعنا الdurite turbo ورجعنا كل شي لبلاصتو و عودنا عملنا diagnostic مرة أخرى باش نراو les valeurs réelles d'alimentation de pression و هذي النتيجة







و من بعد هذا الكل ولاو les vitesses يتعداو بعد خرجنا جربنا الكرهبة و كي جا الclient جربها حتى هو قال ايلي الكرهبة رجعت خير إبرشة من قبل .

نصيحة لله :

كي تجي باش تخو كرهبة wolksvagen مذابيك تاخوها boite manuelle خاطر الboite DSG فيها برشا مشاكل كيما قلتلكم فالاول خاطر جاتنا زادة GOLF 7 1.2L نفس الشي

الmécatronic تضربت و تصليحها يكلف برشا فلوس .

نتمنى ايلي ستفدتو مني من أي حاجة زدتهالك في معلوماتك