Bmw x5 e70

[Hedfi Fédi]

السلام عليكم و رحمة الله و بركاته

بش نحكيو ليوم على panne متع كرهبة جاتنا بال remorquage ساكتا ما تخدمش اللي هي من نوع BMW X5 E70 كرهبتنا فاها موتور ديزل (M57 D3 litres boîte a vitesse automatique)
و هاذي الfiche technique متاعها من auto data





كرهبتنا اليوم جاتنا ساكتة في ال remorquage مولاها قال عنها لا lavage وكيف مشا بش بروح باها قالولو راهي ما حبتش تخدم الbatterie طاحت charge و حتى عملولها amorçage و شي directement كللمنا و جابها في remorquage و حكالنا الحكاية كما الناس الكل حلينا المال شوفنا coses مكبوسين و إلا لا و بعد جبنا multimètre شوفنا tension de la batterie نلقاوها طايحة حتى contact ماتوصلش حطينالها chargeur batterie و ستنيناها تتشارجا و بعد جبنا appareil de diagnostic متاعها متع groupe BMW المدينة ما قراتهاش جملا ستغربنا المدينة d'origine mte3ha نورمالمون تقراها ديراكت نحيناها و حطينالها الlunch diag pro3 و حتى المدينة هاذي ما قراتهاش دونك تاكدنا اللي المشكلة مالكرهبة موش مل الماكينة شكينا فللcalculateur gestion moteur حلينا الcapot و نحينا الكيشان البلاستيك اللي فاهم ڨرافات يدورو بمفتاح 13 apipe دورناهم في صونس الحلان و نحينا الكاش اللي عاليمين فوق ال toc amortisseur droit و ثبتنا فماش trace متاع ماء غادي ما لقينا شي دونك حلينا الفيشتين متاع الكارطة (calculateur de gestion moteur) وبما أنا عنها bureau صغير فالatelier خاص بتصليح الكوارط هزيت الكارطة لمولا الgarage هزها و دخل لل laboratoire هذا كيما مسميه هو بعد حل الكارطة و حط المكبرة متاعو الي فاها torche على جنب و قعد يثبت فاها و بعد عيطلي قلي المشكلة في الكارطة هاذي لقا فاها partie محروقة معناها فما زوز احتماليات هنا يا أما الكارطة الكيشان الالومنيوم متاعها مسو في خيط كورون والا في prise (+batterie) والا كي عملو amorçage للbatteire حطو الكوسات مقلوبين و قتلو الي الكارطة لقيتها في بلاصتها في وسط كاش plastique موش اللي حليتو قبيلا كاش آخر تتحط فيه الكارطة معناها صعيب كان بش يطلع ماسة في خيط كورون و زدت رجعت ثبتت فماش خيط كورون موش مغلف بحذاها ما لقيت شي الخيوط الكل مغلفين جوهم باهي عاودت رجعت لل laboratoire بحذا مولا ال garage قتلو مافما شي الخيوط الكل مغلفين لباس عليهم و ما فما حتى خيط مثني تحت الكاش الأبيض الي تجي فيه الكارطة دونك قتلو الاحتمال الأول انحيووه و باز الاولاد متع الlavage حطوا الكوسات مقلوبين والله اعلم قلي حتى انا اذاكا فاش خممت كهو قعدنا نلوجوا فالخزانة فماش كارطة كيفها محاولة انحيوا منها القطايع الإلكترونية الصغار اللي تحرقولو و نلحموهوملو في الكارطة متاعو و تتحل المشكلة لقينا أما موش الكل قعادنا ناقصين شوية des résistances w des composants اخرين و حتى كلملو سيكون آخر يصلح الكوارط ما لقيناش عندو كللمنا مولا الكرهبة علمناه بالي صار الكل و قلنالو تحب أصبر نصلحولك الكارطة متاعك والا مزروب بالكرهبة قاللنا مزروب باها قلنالو مالا تو نبدلوهالك بكارطة أخرى bonne occasion من عنا كهو تفاهمنا اكاكا ركبنالو كارطة من عنا لما قبل صبينا فاها الprogramme اللي فالكارطة متاعو هو (reprogrammation) بالماكينة متاعنا (kess) و خرجنا للatelire سمينا باسم الله ركبنالو الكارطة الجديدة حطيناها في وسط الكاش البلاستيك الأبيض بش ماتمس في شي وخدمنا الكرهبة خدمات لباس علاها الحمد لله أما كي جينا خارجين باش نجربوها طلعلنا défaut آخر الفيتاسات ما يتعدوش احنا نحطوها فالD drive معناها وهي ترجع للP parking معناها قلنا لا الله إلا الله محمد رسول الله نحينا contact و عودنا حطيناه و خدمنا و باقي شي جبنا ماكينة diagnostic BMW وسكتنا الكرهبة و حطينا contact و عملنا test rapide بش نقراو défauts ياخي عطاتنا برشا ديفوات منهم aucune communication entre le calculateur gestion moteur et le calculateur de la boîte a vitesse اكاهو عرفنا مشكلتنا وين تو المشكلة هي الكارطة متع الموطور كي بدلناها بالرغم صبينالو فاها الprogramme متاع الكارطة متاعو القديمة ماهيش تقرأ فالكارطة متع البواطة donc نحينا الماكينة متع الdiagnostic هاذي و ركبنا فاها الlunch diag pro3 وعلنالو reprogrammation الcalculateur de la boîte à vitesse باها و الحمد لله شدت شوية وقت أما الحمدلله خدمة الكرهبة و جربت قدمتها و وخرتها على بلاصتها فالڨاراج لاباس علاها و بعد كلمنا مولاها علمناه بالي صار الكل و شنية لقينا و شنية عملنا بالضبط و قلنالو كان يجب هو يجربها قال باهي تو و قال لمولا الڨاراج أخرج جربها أنني و ركبت أنا و مولا الڨاراج و خرجنا جربناها فالكياس لاباس علاها الفيتاسات الكل يتعدوا مريڨلين و les modes lkoll en marche كهو عاودنا كللمنا مولاها قلنالو سلكت هايكة كرهبتك مريڨلة قال باهي غدوة يجي يهزها و رجعنا للڨراج عملنالها diagnostic b lunch بش نشوفو طلعتش défaut آخر و طلعت ديفوات هاذوما 4BDB DDE: régulation de pression de pré_alimentation de carburant 4212DE:bougie de préchauffage cynidre 1

4222DE:bougiedm de préchauffage
عاودنا كلمنا مولاها و جابلنا 4 bougies de préchauffage بدلناهم و عملناهاeffacement de défauts و الحمد لله الكرهبة مريڨلة aucun défaut و جاء مولاها خلصنا و هزها
ملاحضة : عملت تصاور و ما حبوش يهبطوا لنا و فيديو كيف كيف