تويت
بسم الله والصلاة و السلام علي رسول الله
جاتنا كرهبة لل atelier فيها manque tirage
نوع الكرهبة : بي ام دبليو (BMW)
المتور : b47 (موتور مازوط TwinPower Turbo معروف برشا في الـ Série 3 و Série 5)
المشكل الأساسي الكرهبة طيحت تيراج (Manque de puissance sévère) دخلت في الـ Mode dégradé، وVoyant moteur شاعل في التابلو.
في المرحلة الاولة جبنا مكينة الدياغنوستيك وقرينا الأعطال علي (Scanner Launch X-431)
كي ركبنا فيشة الدياغنوستيك واستعملنا جهاز الـ Launch، طلعولنا زوز كودات (Codes défauts intermittent) في حاسوب الموتور (DDE)
الكود 2DE000 : يعني فما خلل في حساب كمية الغاز الراجع م الـ EGR (Système d'air massique, plausibilité).
الكود 2DDF00 : يعني كمية الهواء اللي قاعد يقيس فيها الـ Débitmètre (Masse d'air mesurée) أعلى بياسر من المعتاد واللي حاسبها الكمبيوتر.
فسرنا الخلال التقني للحالة قلنا بما أنو الـ Vanne EGR مبلعة ومبلوكية وهي مسكرة، الموتور ولى يجر في الهواء النظيف بنسبة 100% م الـ Débitmètre في عاوض ما يخلط معاه الغاز الراجع. الـ Débitmètre قاس رقم طالع برشا، الـ Calculateur فاق بالاختلاف هذا، وطاح بالـ Puissance باش يحمي التيربو والموتور.
ا الفرضيات لقلناها وهي كالاتي:
1. انسداد ميكانيكي قوي (Calamine) : الـ Vanne EGR مبلعة بالوسخ والشحام الأكحل والـ Clapet متاعها جير ما عادش يتحرك (وهذا مشكل معروف برشا في موتورات الـ BMW B47).
2. مشكل إلكتروني : الموتور الصغير (Actionneur) اللي يتحكم في حلان وتسكير الـ EGR تحرق والا فسد.
3. خطوات الخدمة التطبيقية في الورشة
الخطوة 1:
* نحينا كابل الباتري باش نخدمو في أمان.
* نحينا الكاشات البلاستيك وديريتات الهواء الفوقانية اللي مضيقين البلاصة وراء الموتور.
* حلينا البولونات ونحينا الـ Vanne EGR. النتيجة : لقيناها معبية بطبقة خشينة وكثيفة من الكربون اليابس (Calamine)، وهي اللي جمدت السوبات ومخلاتهاش تتحرك كيما نشوفوا قدامنا في التصويرة ⬇️
الخطوة 2: التنظيف وإزالة الكربون (Nettoyage)
* غطسنا الـ Vanne EGR في سائل مذيب قوي (Solvant décalaminant) وحكيناها بـ Brosse métallique جويدة ومسحناها بالـ Air comprimé (البريسيون متاع الهواء) لين تنظفت ورجعت للمعدن متاعها الأصلي، وتأكدنا اللي السوبات رجعت تتحرك خفيفة ومرنة.
* نظفنا الجعبة النحاس اللي توصل الغاز للـ Collecteur d'admission لأنها هي زادة تكون مخنوقة بالوسخ.
الخطوة 3: الترجيع والبرمجة Remontage ); Codage)
* رجعنا الـ Vanne EGR لبلا صتها بعد ما حطينا جوان جديد (Joint neuf) باش ما تصيرش فويت للغاز.
* كبسنا البولونات حسب الموصى بيه م الدار (Couple constructeur).
* الخطوة الأهم (Adaptation) : ربطنا الـ Scanner من جديد، فسخنا الكودات القدام (2DE000 و 2DDF00)، وعملنا ريسيت (Réinitialisation des valeurs d'adaptation) للـ EGR والـ Débitmètre في الـ Calculateur باش الكمبيوتر يعرف اللي البياسة تنظفت ويرجع يحسب م الزيرو.
4. النتائج والتثبت (Validation)
اللي ثبتنا فيه قبل التدخل و بعد التدخل
النتيجة كانت
قراءة السكنار (Défauts) | 2DE000
2DDF00 شاعلين تفسخوا تماما (Aucun défaut)
مريغل ✅
ميزان الهواء (Débitmètre) طالع فوق الحق (Hors tolérance) رجع للأرقام العادية متاع الدار مريغل ✅
مشيت تيراج الكرهبة (Essai routier) تغص وما تجريش رجعت فيها الـ Tirage والتيربو يخدم لباس مريغل ✅
بعد ما كملنا خرجنا جربنا الكرهبة في الكياس وسرحنا بيها : الكرهبة تجاوب مخرجة نفس صافي الـ Voyant ما عادش شعل والتيربو يجاوب من أول نزلة
بعد ما كملنا جربنا الكرهبة ورجعنا لل atelier عطينا لل client نصائح للمستقبل قلنالو الي المشكل طلع م الـ EGR اللي تبلوكت بالوسخ. في موتور كرهبتك الـ BMW B47 قال نمشي بيها برشا داخل البلاد (Trajets urbains) وبسرعة قليلة هذا لخلي المتور يتخنق
قلنالو لازم مرة في الجمعتين يخرج بالكرهبة للاوتوروت، ويمشي بيها فوق 2500 دورة في الدقيقة (مثلا يخليها في الـ Vitesse 4 ويمشي 100 كم/س) لمدة 20 أو 30 دقيقة باش يسخن الإشبمون بالباهي ويحرق الوسخ والشحام وحدو (Régénération).
جاتنا كرهبة لل atelier فيها manque tirage
نوع الكرهبة : بي ام دبليو (BMW)
المتور : b47 (موتور مازوط TwinPower Turbo معروف برشا في الـ Série 3 و Série 5)
المشكل الأساسي الكرهبة طيحت تيراج (Manque de puissance sévère) دخلت في الـ Mode dégradé، وVoyant moteur شاعل في التابلو.
في المرحلة الاولة جبنا مكينة الدياغنوستيك وقرينا الأعطال علي (Scanner Launch X-431)
كي ركبنا فيشة الدياغنوستيك واستعملنا جهاز الـ Launch، طلعولنا زوز كودات (Codes défauts intermittent) في حاسوب الموتور (DDE)
الكود 2DE000 : يعني فما خلل في حساب كمية الغاز الراجع م الـ EGR (Système d'air massique, plausibilité).
الكود 2DDF00 : يعني كمية الهواء اللي قاعد يقيس فيها الـ Débitmètre (Masse d'air mesurée) أعلى بياسر من المعتاد واللي حاسبها الكمبيوتر.
فسرنا الخلال التقني للحالة قلنا بما أنو الـ Vanne EGR مبلعة ومبلوكية وهي مسكرة، الموتور ولى يجر في الهواء النظيف بنسبة 100% م الـ Débitmètre في عاوض ما يخلط معاه الغاز الراجع. الـ Débitmètre قاس رقم طالع برشا، الـ Calculateur فاق بالاختلاف هذا، وطاح بالـ Puissance باش يحمي التيربو والموتور.
ا الفرضيات لقلناها وهي كالاتي:
1. انسداد ميكانيكي قوي (Calamine) : الـ Vanne EGR مبلعة بالوسخ والشحام الأكحل والـ Clapet متاعها جير ما عادش يتحرك (وهذا مشكل معروف برشا في موتورات الـ BMW B47).
2. مشكل إلكتروني : الموتور الصغير (Actionneur) اللي يتحكم في حلان وتسكير الـ EGR تحرق والا فسد.
3. خطوات الخدمة التطبيقية في الورشة
الخطوة 1:
* نحينا كابل الباتري باش نخدمو في أمان.
* نحينا الكاشات البلاستيك وديريتات الهواء الفوقانية اللي مضيقين البلاصة وراء الموتور.
* حلينا البولونات ونحينا الـ Vanne EGR. النتيجة : لقيناها معبية بطبقة خشينة وكثيفة من الكربون اليابس (Calamine)، وهي اللي جمدت السوبات ومخلاتهاش تتحرك كيما نشوفوا قدامنا في التصويرة ⬇️
الخطوة 2: التنظيف وإزالة الكربون (Nettoyage)
* غطسنا الـ Vanne EGR في سائل مذيب قوي (Solvant décalaminant) وحكيناها بـ Brosse métallique جويدة ومسحناها بالـ Air comprimé (البريسيون متاع الهواء) لين تنظفت ورجعت للمعدن متاعها الأصلي، وتأكدنا اللي السوبات رجعت تتحرك خفيفة ومرنة.
* نظفنا الجعبة النحاس اللي توصل الغاز للـ Collecteur d'admission لأنها هي زادة تكون مخنوقة بالوسخ.
الخطوة 3: الترجيع والبرمجة Remontage ); Codage)
* رجعنا الـ Vanne EGR لبلا صتها بعد ما حطينا جوان جديد (Joint neuf) باش ما تصيرش فويت للغاز.
* كبسنا البولونات حسب الموصى بيه م الدار (Couple constructeur).
* الخطوة الأهم (Adaptation) : ربطنا الـ Scanner من جديد، فسخنا الكودات القدام (2DE000 و 2DDF00)، وعملنا ريسيت (Réinitialisation des valeurs d'adaptation) للـ EGR والـ Débitmètre في الـ Calculateur باش الكمبيوتر يعرف اللي البياسة تنظفت ويرجع يحسب م الزيرو.
4. النتائج والتثبت (Validation)
اللي ثبتنا فيه قبل التدخل و بعد التدخل
النتيجة كانت
قراءة السكنار (Défauts) | 2DE000
2DDF00 شاعلين تفسخوا تماما (Aucun défaut)
مريغل ✅
ميزان الهواء (Débitmètre) طالع فوق الحق (Hors tolérance) رجع للأرقام العادية متاع الدار مريغل ✅
مشيت تيراج الكرهبة (Essai routier) تغص وما تجريش رجعت فيها الـ Tirage والتيربو يخدم لباس مريغل ✅
بعد ما كملنا خرجنا جربنا الكرهبة في الكياس وسرحنا بيها : الكرهبة تجاوب مخرجة نفس صافي الـ Voyant ما عادش شعل والتيربو يجاوب من أول نزلة
بعد ما كملنا جربنا الكرهبة ورجعنا لل atelier عطينا لل client نصائح للمستقبل قلنالو الي المشكل طلع م الـ EGR اللي تبلوكت بالوسخ. في موتور كرهبتك الـ BMW B47 قال نمشي بيها برشا داخل البلاد (Trajets urbains) وبسرعة قليلة هذا لخلي المتور يتخنق
قلنالو لازم مرة في الجمعتين يخرج بالكرهبة للاوتوروت، ويمشي بيها فوق 2500 دورة في الدقيقة (مثلا يخليها في الـ Vitesse 4 ويمشي 100 كم/س) لمدة 20 أو 30 دقيقة باش يسخن الإشبمون بالباهي ويحرق الوسخ والشحام وحدو (Régénération).