تويت
ايا السلام عليكم
عندي شوية معلومات من راسي و شوية قريتهم في قوقل
باش نحكي على التربو في البي ام "serie 7 "
الي هيا خرجت فاها برشا انواع متاع مودالات و كل وحدة و الموتور من 4 سيلندر حتى V12
باهي عندك كيما نقولو باللوغة متاعنة كرهبة شعبية الي هيا خرجتها دار بيام يعني اومور شكل جوها باهي عاللخر اما موتور شعبي عندهم هوما الي هيا بيام سيري 7 745i فاها موطور 6 سيلندر 3.0 لتر تخرج في286 ch ( كيما قالوها الاخوة "only milk and juice come in 2 litres" )
يعني يا معلم حتى كرهبة شعبية متاعهم 3.0 لتر هه
باهي نجيو للهوت قام في نفس السيري عندك مخرجة موطور V8 4.4 L Biturbo يخرج في530 ch
الي هو تلقاه في 750i..
و تو عندك الوحش بيدو الي هيا 760i فاها موطور v12 6.6L تخرج في 585Ch
يا معلم تسمع 12 بيستون تغلط و انت و انت تحسب فيهم..
حاسيلو كيما يحكيو لعباد في كل بلاصة السيري 7 حاجة وااو عاللخر
قااك 4 تربوات و برشا فازات
بون صحيح كرهبة سبور و 4 تربوات اوك
اما لنعرفو توين تربو يعني حسب الفهم متاعي زوز تربوات اما كل تربو فيه 2 تربينات
زوز فيبالي يخدمو في باا ريجيم
زوز لخرين في هووت ريجيم
اما تو موش غادي المشكل نقولو كرهبة تباركا الله و عالم اخر و موتور اخر اما نحب نعرف يعني دار تخرج في كرهبة و مشاكل لفاها التربو ؟ بالطبيعة هذا موش من راسي نقرى في الفوروم متاع الخليج الكلها تحكي في 100 الف تربو يتضرب
شنية هوما 100 الف تك تك و فوق من هاذا غالي برشا
اما زادة نشوفو الحاجة الباهية لهيا تنافس في ديار كبار عاللخر
بون هذا الكل حسب كلامي انا و شكراا