تويت
السلام عليكم و رحمة الله و بركاته
عاليوم بش نحكيو على Chevrolet aveo model 2008 1.2lessence .
السيارة هاذي لحريف عنا واجه مشكلة في السيارة متاعو أنو كل نهارين يزيد زيت المحرك في السيارة كل يومين كي يجي يتفقد السيارة متاعو ت شعلو témoin متع زيت ولاتلو consommation d'huile كبيرة.
1. بدينا في les test متاعنا عملنا دورة بالكرهبة بش فهمنا المشكلة أكثر.
بعد ما عملنا بالكربة دورة لاحظنا أنو فما ريحة زيت خارجة من échappement+fumée bleue وقت التخديم الصباح و وقت تنزل الموطور مش قاعد يعطي في puissance المطلوب
و إستهلاك ال essence زاد .
قمنا بفحص niveau d'huile. لاحظنا هبوط في الniveau .
و عملنا test de compression على 4 cylindres:
Cyl 1 : 8 bar
Cyl 2 : 7 bar
Cyl 3 : 9 bar
Cyl 4 : 7.5 bar
النتيجة : ضعف الظغط في les cylindres : مشكل segments.
2.بدينا في démontage moteur (déculassage)
نحينا أول حاجة الماء متع الradiateur
الماء كي بش نطيحوه automatiquement يتبدل خاطر كي بش نطيحوه بش يتبزع و بش يتفرت و صعيب ياسر كان بش نستحفضو عليه .
و زيت moteur (كانو زيت مزال جديد ما عندوش برشا ملي تبدل نهبطوه في حاجة نظيفة بش مبعد نرجعوه كي نكملو الخدمة .
مبعد نجي لل les durites de frein /les durites et thermostat d'eau
Les durites de chauffage
مبعد نحيو الخيوط و les fiches إلي مربوطين بال culasse لكل نحلوهم .
أنحل cache suppape
نهبط نحل الechappement خاطرو يعرضلي عل ال carter moteur.
مبعد نحل filtre à particules متع الكرهبة .
مبعد نحل carter moteur بمفتاح 10.
مبعد نركح ال bloc على ال crique بش نحكم فيه بش إنجم نطلع و نهبط كيما نحب نحطو لداخل شيرة l'échappement و ال boite de vitesse شويا بش ما نجيبوش تحت cache de chaîne de distribution.
بعد ما عملت هذا نحل support moteur متاعي .
أنحي تو ال cache du chaîne de distribution
و أنحي ال chaîne de distribution متاعي
و أنحي les arbres a cames و أنحي ال culasse متاعي .
بالنسبة لل mise aux points مبعد أنجمو نعملوه خاطر ال bloc et les pistons ظاهرين قدامي سوا بالرشم d'origine متع الدار أو بال les pistons 1-4-3-2
بش مبعد نركح les arbres a cames متاعي خاطر الكرهبة متاعنا تجي ب 2 arbre à cames
Début d'admission, fin d'échappement
نحطو سلسلة بش تشد ال bloc moteur بما أنو نحينا support moteur بش ما يطيحش .
و مبعد نجيو 2 personne بش نحلو les boulons متع les bielles .
ندور الموطور لين la bielles تهبط علخر نحل les boulons متاعها بمفتاح 12 و نحي chapeau de bielles.
مبعد ندور le vilebrequin لين piston تطلع علخر و دزيتها ب rallonge de cliquer و ندزها برك ما نضربش عليها خاطر فما filtage ما نحبش نمسو بش ما يتضربش و واحد من فوق يقبل عليا piston يجبدها خاطر les pistons يطلعو كان طلعان ما يهبطوش هبوطو بنفس الطريقة نكمل في بقية les pistons.
مبعد بعد ما كملنا حلينا كل شي بش أنظفو خدمتنا و أنظفو les pistons متاعنا بال brossette
تنظيف gorge de segments
في الحالة هلذي ما نستحقوش نبدلو cullasse خاطر أحنا مبدلينو من مدة مش كبيرة ما يستحقش .
كي جينا مبعد نعملو في قياس jeu de de coupe des segments) بالfeeler gauge .
دخلنا الsegment في cylindre
قسنا écart لقيناه أكبر من الnorme .
كملنا démontage de moteur و خذينا les pièces متاعنا إلي بش نبدلوهم شرينا les segments متاعنا و joint carter et joint de culasse et guide de suppapes
بعد ما شرينا و عملنا les nettoyages et tout est bon
أول ما بش نبدا نركب هوما les pistons نركب les segments الجدد متاعنا و نهبط من اللوطا بش نقبل les pistons بل coulis de segments نكبسوهم
و نركبو segments لخرانية segments racleur في الaveo إلي هي آخر segments من اللوطة إلي فيها ressort
في segments racleur ال ressort وحدو و النص اللوطاني وحدو و النص الفوقاني وحدو . مش كيما في الكراهب العادية تلقاها كاملة لاصقة بعضها تشبه ل les segments du moto.
بعد ما نحطو les pistons في بلايصهم و نكبسو نتأكدو و كونو ال vilebrequin يدور libre مش مكبش و كل ما نحطو chapeau de bielles نصب الزيت على الchemise بش تهبط ال segments libre و ندور بش نحسو كونو libre خاطر كان فما حاجة غالطة ركبت ils est coincé le vilebrequin
بعد ما نكملو المرحلة هاذي نحطو la pompe à huile و نسكرو carter متاعنا و نحطولو joint متاعو إلي شريناه .
و مبعد نطلع من فوق نحط joint de culasse متاعي و نحط les boulons متاعي بش نكبس سوا بإستعمال طريقة كبس diagonal ou escargot نجم نكبس بالsens إلي نحب عليه .
نركح cullasse متاعي و نكبسو و نخليه يرتاح و نعاود نكبسو .
مبعد نحط les arbres a cames بالرشم إلي فيهم
بش نعرف أناهي إلي في début d'admission و لخرة في fin d'échappement
و كي نجي نكبس les arbres a cames نكبس نفس sens متع cullasse.
بش ما يجيش الظغط على بلاصة وحدة نكبسو بالطرف و أنا خارج نقسمو الcullasse .
و نكبس الcullasse على مرتين أو ثلاثة . أنا و شنوا نشوف .
و نركح ال mise aux points متاعي بش نركب ال chaîne نلقى رشمة في الpoulie و رشمة في chaîne.
نحط les pistons متاعي 1-4 لفوق و 3-2 لوطا بش تجي ال mise au point correct
بعد ما ركحت les arbres a cames نحط chaîne متاعي و نعاود ندور باليد بش كان فما défaut لا قدر الله.
كي moteur bloqué نفيق بروحي إلي عندي حاجة غالطة نعمل control متاعي .
على خاطر كان نجي نخدم طول هاذا ميكانيك ما ياقفش يعوج الخديد لا قدر الله يعمل كارثة .
Donc ندور بيدي دورتين بش يطلعو و يهبطو و يعاودو يطلعو و بهبطو بش يتحركو les suppapes الكل و les pistons لكل يتحركو .
و مبعد نسكر cache de chaîne de distribution.
الcache هذا بال patte a joint
Just نعمل pointage و نوصلو توصيل و مبعد نعاودلو الكبسنخليه يرتاح و مبعد نعاودلو الكبس.
نعمل هكاك بش patte a joint تاخو la forme de cache .
بش مبعد مايجينيش fuite.
يقعدلي cache suppape نركبو و مبعد نصب الزيت و نعمل branchement متع les durites et les
مبعد بدلنا pipet عاملة oxydation حكينا مع الحريف بش بدلناها .
مبعد يقعدو حاجات خفيفة نرجع courroie نركب tendeur و نركب supports moteur متاعي .
Collecteur d'échappement و نرجع filtre à particules
في الكرهبة هاذي يجي filtre à particules et collecteur d'échappement معا بعضو لاسق نحطلو ال joint double متاعو حديد نصكر عليه بش يشد بلاصتو
و نرجع corps papillon est les bobines
نخدم الكرهبة متاعي أول مرة
يكون calme من غير bruit
نطل فماشي fuite زيت
نخليها تطلع لل température normal
نعمل test de compression بعد الخدمة يرجع طبيعي :11-13 bar
الكرهبة رجعت تخدم normal
ماعادش فما دخان أزرق
الزيت ماعادش يهبط
القوة رجعت عادية
و هاذي تكون الخدمة الكاملة متاعنا في jeu de segments
و السلام عليكم و رحمة الله تعالى و بركاته .