تويت
الكرهبة Ford Fiesta 2007 essence
Réferance moteur : STJB
Carburant:Essence
Cylindrée:1250cc
Puissance:60cv
سيارة 4 cylindre عائلية مشكورة في السوق و برشا ناس كاسبينها يشكروها على عديد من مميزاتها كيف:
-قلة إستهلاك الوقود
-كاسحة و يقعش فاها العطب بسهولة بمعنى آجر مهياش ديما طيح بان و إذا صلحتها و تقوم ب l'entretien متاعما في وقتو تمشي و جوك باهي
-تحتوي على عدة ميزات تكنولوجية مثل نظام الصوت الجيد، ومكيف الهواء، ونوافذ كهربائية
-حجمها الصغير يخلي فيها قيادة مثالية في الدن الزدحمة و سهولة في ركنها
بعد التقديم متاع السيارة إنشاء الله نكون كفيت و وفيت نتعدو تو
للمشكلة متاعنا جانا client جايب الكرهبة في remourquage و يحكي قال يمشي با في الكياس كيف يكسيلاري ما تحبش الكرهبة تقدم كي يسيب ل accélérateur تسكت الكرهبة كيف ينحي contact و يعاود يرجع تعاود تخدم أما regime moteur يبدا طلع في 1500 tr/min أكاكا الكرهبة تعيط في ralentie و تخرج في دخان أبيض مشا في بالنا consommation متاع زيت.
قبل ما يجبها الراجل عمللها diagnostic بحكم معناش مكينة في l garage طلع في diagnostic حسب ما يحكي الراجل defauts في pedale d'accelerateur و corp Papillion .
دخلنا الكرهبة و حطيناها على ل pent و حلينا لكبوت تفقدنا les bougie d'allumage حليناهم ب cliquet + rallonge +douille à bougie 18 لباس طلعو رجعناهم و تفقدنا l pédalé d'accélérateur لباس عليه نحينا l corp papillon 4 boullons b cle T35 نضفناه و تستياه في كرهبة أخر مشا لباس عليه.مبعيكا تفقدنا l boîtier fusible بالتحديد تفقدنا l fusible mte3 l pompe à carburant لباس عليه.
في الأخر قلنا نجربو نشوفو l pompe بحكم الكرهبة فاه خضة و ريجيم موش راكح لpompe كيف يبدا فاها مشكل تنجم تعمل الحكاية هاذي نحيناها و جبنا lampe و عملنا branchement مع l connecteur متاع l pompe حطينا contact شعلت lampe يعني l courant واصل للpompe.
جبنا testeur de pression d'essence ركبناه مع raccort متاع l essence و حطينا contact و عملنا démarrage للكرهبة.
l pression طلعت ضعيفة ياسر على valeur idéal (5 bar)
بالظبط l valeur جات أقل من 2 bar
مشى الراجل جاب pompe أخرى و ركبناها و جربنا الكرهبة مشات جوها باهي و رجعت نرمال و مشا الراجل فرحان
في الأخير نحب نقدم الشكر للمكون سامي على مجهودات معانا طيلة فترة التكوين و على الإستفادة الكبيرة إلي خذيناها و المعلومات القيمة، ماحسبش معانا جملة و نقدم الشكر لأصحابي الكل على اللحظات الباهي إلي عشناهم إنشاء الله ربي يوفقكم الكل و السلام عليكم ورحمة الله تعالى وبركاته.
الملفات المرفقة