تويت
السلام عليكم ورحمة الله وبركاته اليوم جاتنا Ford fiesta مولاها يتشكى من manque de tirage و خضان أول حاجة جبنا الفيشة OBD بش نقراو الكود défauts المسجلين فيها و نتفاقدو الحالة العامة متع الكرهبة متاعنا المكينة عطاتنا كود واحد و معندوش علاقة بمظاهر العطب متاعنا
دونك قلنا نختاروا les données réelles الي نحبوهم يتسجلوا ونخرجوا نعملو دورة بالكرهبة نتَستِيوها و نتبعو المشكل و الكرهبة تمشي الشيء هذا خلانا نلقاو أول علامة (indice) في المكينة الي طلعتلنا Raté d'allumage في الاسطوانة 2 و الاسطوانة 4 يعني احتراق غير مكتمل
العطب هذا ينجم يتسببوا فيه برشا عوامل اما اول حاجة حبينا نتفاقدوها هي Les bougies لقيناهم مبلولين بالزيت كيف زدنا تفقدنا نلقاو تضييع زيت من cache soupapes
دونك جبنا joint جديد ونظفنا الشموع و خرجنا نجربوا في الكرهبة ما عادش عنا حتى أسطوانة فيها احتراق غير مكتمل، الخضان تنحى و الtirage رجع للكرهبة.