تويت
باش نحكي على الكرهبة لاند روفر رنج روفر سبورت مزوط مودال 2020 هي كرهبة مصنوعة في بريطانيا موتور 6 سيلاندر , 3 لتر , دفع رباعي , 340 حصان ميكانيكي , توصل لسرعة 209 كلم في الساعة , 8 boite أوتوماتيك , تاكل 10,5لتر في ال100كم و réservoir يهز 104 لتر .
طولها 4.879 م و عرضها 2.073 م ارتفاعها 1.803 م و عالية على الارض ب 21 صم و تهز خمسة من الناس في راحة كبيرة يعني كرهبة بالموصفات هذي تنجم تقول كان عملاقة .
و الكرهبة هذي مرتاحة برشا من داخل نلقو فها كراسي بالضوء , شبابك الكتريك و الاستعمال متعاهم بال écran tactile , فيها سقف يتحل و يتسكر الكتريك ال intérieur متعها الكل جلد و في قمة الفخامة
و الكرهبة هذي sécurisé بالباهي فيها 8 Airbag موجودين في كل بلاصة باش يحمو الناس الي فها الكل موزعين على كامل tableau de bord و ال volant و البيبان الاربعة... و ال freinage يعتمد على ABS و EBD و فيها كاميرا من تالي و من قدام
اللاند روفر مودال2008 كانت عندها متور يقرب للمودال 2020 اما فما بالطبيعة تطور مثال كانت 2.5 لتر ولت 3 لتر ...من 4 سيلاندر تطورت لل 6 سيلاندر ....من تيربو واحد لل دوبل تيربو ...من boite 6 عادي لل boîte 8 اتوماتيك ....من injecteur mécanique الي injecteur électrique و برشا تطورات اخري ....
حسب ما نشوف الكرهبة كل شيء فيها باهي و تحفون برشا.. القوة ... الذكاء...السرعة ...الوهرة
اما نشوف فيها عيب واحد الي هي boîte automatique و انا من ناس الي نخير boîte العادية