Mercedes classe A180 fuite de liquide de refroidissement

[محمد تليلي]

بسم الله و الصلاة والسلام على رسول الله

كرهبتنا اليوم هي Mercedes A180

جاتنا فيها مشكلة متاع تسرب في سائل التبريد

من لول شكينا في انو العطب ينجم يكون من مضخة المياه

بعد ما عملنا التشخيص متاعنا عن طريق انا نعملو ضغط في دورة المياه باش نشوفو لفويت منين بواسطة ال contrôleur circuit refroidissement الي في تصويرة 1*
ملاحضة :
2) لازمنا نثبتو في البوشون المناسب لي يركب عل vase d'eau(تصويرة رقم 3 ) باش التست يتعدى مريڨل
2) ما لازمناش نفوتو الضغط الي بالأخضر باش نتجنبو اي خطر ولا تمزق في دورة تبريد المياه

اي لقيتا المشكلة في الديريت لي ما بين ال vase d'eau و ال radiateur في التصويرة 2* كيف نحيناه بقيناه ديجا يابس مل السخانة جبدنا الريفيرونس لي مكتوبة عليه و كمندينا الجديد

اي بدلناه بواحد جديد (تصويرة 4) وفرغنا الما الموجود في دورة التبريد و صبينا ماء جديد (anti gel ) الي موصى بيه من قبل المصنع

و قبل ما نخرجوا الكرهبة عودنا عملنا نفس التاست باش نتأكدوا انو ضياع الماا تنحى و خلينا الكرهبة تخدم على بلاصتها و من بعد خرجناها للحريف