تويت
بسم الله والصلاة والسلام على رسول الله
جاتنا اليوم كرهبة للمحل Mercedes CLA 200 يتشكه صاحبها من perte de puissance، يعني الكرهبة ما عادش تجاوب كيف العادة، وما عادش فيها التيراج والقوة اللي متعود بيها الحريف خاصتا وقت الضغط على بيدال الاكسيلاتور
في البداية قمنا بربط جهاز الدياغنوستيك باش نعرفو سبب المشكلة، وبعد قراءة الأعطال لقينا défaut يقول: La pression de suralimentation du turbo est trop faible
يعني ضغط التيربو أقل من القيمة المطلوبة من طرف calculateur.
أما في الحالة هاذي ما نجموش نحكمو مباشرة على التيربو ونقولو مكسر ، خاطر برشة مرات المشكل يكون في système commande متاعو. لذلك قررنا نبدأو بفحص المنظومة اللي تتحكم في التيربو قبل أي عملية تبديل.
بدينا بمعاينة capsule de commande متاع التيربو، اللي تخدم بواسطة dépression جاية من pompe à vide. الكابسولة هاذي فيها membrane و axe يتحرك للداخل وللخارج حسب كمية الـ dépression الموجودة، والحركة هاذي هي اللي تتحكم في géométrie متاع التيربو وتخليه يعطي الضغط المطلوب
كي فحصنا الديريت الراكبة على capsule، لقينا اللي ما فيهاش aspiration كما يلزم. المفروض كي نحطو صبعنا على الديريت نحسو بالشفط متاع الهواء، أما في الحالة هاذي ما كانش فما dépression.
باش نتأكدو أكثر، تبعنا مسار الديريت ولقيناها ماشية لـ électrovanne de suralimentation، وهي القطعة المسؤولة على تنظيم الـ dépression اللي تمشي للكابسولة
ما بعدها قمنا بعمل اختبار مباشر وربطنا capsule مباشرة مع pompe à vide. مباشرة تحرك الـ axe متاعها بطريقة عادية، وهذا أكد أنو capsule سليمة والتيربو في حد ذاتو يخدم وما فيه حتى مشكل ميكانيكي.
بعدها قمنا بفحص électrovanne de suralimentation. لقينا الcourant واصلة للقطعة عادي، أما القطعة كانت تخدم مرة وتحبس مرة. وحتى كي نحينا الفيشة ورجعناها، ترجع تخدم شوية ومن بعد تعاود تحبس.
وهذا من الأعراض المعروفة متاع الأعطال الداخلية في électrovannes، وين تولي القطعة تعطي خدمة متقطعة وما عادش تنظم الـ dépression بالطريقة الصحيحة.
بعد التشخيص النهائي تأكدنا أن المشكل موش من turbo ولا من capsule de commande، أما من électrovanne de suralimentation اللي فسدت من الداخل وما عادش تقوم بوظيفتها كما يلزم. قمنا بتبديل القطعة بواحدة جديدة، وبعد التركيب أعدنا الاختبارات وعملنا تجربة على الطريق.
والحمد لله رجعت الكرهبة تخدم بصورة عادية، اختفى الـ perte de puissance، التيربو رجع يعطي الضغط المطلوب، والسيارة ولات تجاوب مليح في التسارع ورجعت القوة متاعها كيف ما كانت.
نصائح:
ما تبدلش التيربو مباشرة بمجرد ظهور défaut ضغط ضعيف، لازم ديما فحص circuit de commande كامل.
مراقبة حالة durites de dépression والتأكد من سلامتها.
التأكد من سلامة الفيشات والتوصيلات الكهربائية الخاصة بـ électrovannes.
القيام بدياغنوستيك كامل قبل تغيير أي قطعة غالية الثمن.
وفي الأخير، إن شاء الله نكونوا وفقنا في التشخيص والإصلاح، وإن شاء الله تكونوا استفدتو من هذا العمل.
جاتنا اليوم كرهبة للمحل Mercedes CLA 200 يتشكه صاحبها من perte de puissance، يعني الكرهبة ما عادش تجاوب كيف العادة، وما عادش فيها التيراج والقوة اللي متعود بيها الحريف خاصتا وقت الضغط على بيدال الاكسيلاتور
أما في الحالة هاذي ما نجموش نحكمو مباشرة على التيربو ونقولو مكسر ، خاطر برشة مرات المشكل يكون في système commande متاعو. لذلك قررنا نبدأو بفحص المنظومة اللي تتحكم في التيربو قبل أي عملية تبديل.
بدينا بمعاينة capsule de commande متاع التيربو، اللي تخدم بواسطة dépression جاية من pompe à vide. الكابسولة هاذي فيها membrane و axe يتحرك للداخل وللخارج حسب كمية الـ dépression الموجودة، والحركة هاذي هي اللي تتحكم في géométrie متاع التيربو وتخليه يعطي الضغط المطلوب
كي فحصنا الديريت الراكبة على capsule، لقينا اللي ما فيهاش aspiration كما يلزم. المفروض كي نحطو صبعنا على الديريت نحسو بالشفط متاع الهواء، أما في الحالة هاذي ما كانش فما dépression.
ما بعدها قمنا بعمل اختبار مباشر وربطنا capsule مباشرة مع pompe à vide. مباشرة تحرك الـ axe متاعها بطريقة عادية، وهذا أكد أنو capsule سليمة والتيربو في حد ذاتو يخدم وما فيه حتى مشكل ميكانيكي.
وهذا من الأعراض المعروفة متاع الأعطال الداخلية في électrovannes، وين تولي القطعة تعطي خدمة متقطعة وما عادش تنظم الـ dépression بالطريقة الصحيحة.
والحمد لله رجعت الكرهبة تخدم بصورة عادية، اختفى الـ perte de puissance، التيربو رجع يعطي الضغط المطلوب، والسيارة ولات تجاوب مليح في التسارع ورجعت القوة متاعها كيف ما كانت.
نصائح:
ما تبدلش التيربو مباشرة بمجرد ظهور défaut ضغط ضعيف، لازم ديما فحص circuit de commande كامل.
مراقبة حالة durites de dépression والتأكد من سلامتها.
التأكد من سلامة الفيشات والتوصيلات الكهربائية الخاصة بـ électrovannes.
القيام بدياغنوستيك كامل قبل تغيير أي قطعة غالية الثمن.
وفي الأخير، إن شاء الله نكونوا وفقنا في التشخيص والإصلاح، وإن شاء الله تكونوا استفدتو من هذا العمل.
تعليق