تويت
السلام عليكم، بحكم الشريكة الي نخدم فيها تصلح كل انواع المركبات، الpanne الي شنحكي عليها تخص محرك mitsubishi محطوط في chariot élévateur ،هاذي تصويرتو للي ما يعرفوش :
بدا المشكل كي جات العربة هاذي تشكي من سخانة كبيرة في الزيت المسؤول عل تطليع و تهبيط السلعة، هزينا الpompe للpompiste لقي اللي فما مسار متع زيت شبه مسدود صلحو و رجعناه للڨراج،غادي ون لقينا الradiateur متع الماء مفلوق شوي عل اجناب لحمناه وصبينا الماء وخدمنا ال chariot élévateur ياخي بدا الماء ينفخ من دبوزة الماء، عاودنا خدمنا مرة و ثنين قلنا بالك فما هواء في circuit d'eau ،المرة الثالثةسكت الموتور جملة وحدة و ماعادش حب يخدم فهمنا وقتها لي هيا حكاية joint de culasse.
ايا نحينا الculasse و لقيناه في الحالة هاذي:
بش تفهمو الحكايةالpiston كان يجبد في الماء و كي يطلع يطلع ماء و هواء والculasse كان مفلوق:
المهم فركنا الculasse بالكامل و نضفناه
هزيناه للtourneur عمللو surfasage و رجع الculasse جديد بدلنالو لي يلزم يتبدل الكل و رجعنا ركبناه وخدم الchariot élévateur عادي.