تويت
Opel Astra H
مع كامل التحيات
أما بعد ليوم باش نحكيلكم على سيارة كسبتها فترة معتبرة وزيد موجودة بكثرة في تونس هي Opel Astra h 1.3 CDTI.
كرهبة مزيانة قوية فالايسونس نجحت أكثر من المازوط أما مشكلتها فالسخانة مافيهاش منقالة تسوق عالمهموتة وكان مشلقتش بالمروحة تدور خلات اعرف كان سخنت تسكت علبلاصة ماعاد يدور لمحرك كان ما تبرد و يشعلك فوايون متع السخانة فالطابلو...وقتها ديجا مبروك عملت début de joint culasse وفي وقت وجيز تولي ترنفل الماء الكل حبيت نبدالكم الحديث علاها في شكل نكتة على ما عذبتني هذا ما يمنعش الي هي سيارة كاسحة و robuste و تتمتع بنضام سلامة ماشاء الله 2air bag au niveau tableau de bord وكل باب فوقو airbag
تتميز السيارة بالرفاهية وتطور التكنولوجي فاها 9.5/10 كانت Opel في التسعينات رائد في العالم كما مرسيدس وقتنا الحالي نحكيو على ordinateur de bord في سيارة 2004
من أغلب مشاكلها
- ال vanne EGR
- اذا ما تصبلهاش مازوط باهي راهي تعملك مشاكل injection على فكرة سوم 4 injecteur تقريبا سوم محرك في منزل الكامل (منطقة مشهورة بقطع الغيار المستعملة )
- kit embrayage (volant moteur, disque et plateau, buté) سومها حاليا 2000 دينار
- TURBO يفضل استعمال زيوت ممتازة و في وقتها (1000 دينار )
FICHE Technique مبينة في الرابط الموالي https://www.google.com/amp/s/www.ult...TI-90.html/amp
في الصور الموالية نجد المودلات المصنعة من هذه السيارة