تويت
السلام عليكم ورحمة الله
ليوما جاتنا كرهبة من نوع peugeot 206 مولاها تشكالنا و قلنا راهو ( ملي خطفتها في الصباح و هي تخض و régime moteur ماهوش stable و ساعات كيف نجي ناكسيلاري تغط و شعلي check moteur ).
خذينا المعلومات هاذي من عند الclient متاعنا و أول حاجة بدينا باها في خدمتنا هي diagnostic.
الماكينة طلعنلنا ال code defaut هذا p0171 يعني الخليط (هواء و إيسونس ) ناقص حسب ما نفهمو من هنا إنو مخ السيارة ECU يقرا في كمية الهواء أقل من كمية الإيسونس .
بدينا نعملو في les tests متاعنا و أول حاجة عملناها تفقدنا فماش تسرب متاع هواء في الأنابيب بإستعمال الدخان (كيف تبدا durite فيه ثقب يخرج منو الدخان ) لقينا circuit d’air متاعنا لاباس و زدنا عملنا test débitmètre و الadmission ما لقينا حتا مشكلة .
مبعد عملنا analyse trims carburant و قلتلنا الماكينة Mélange trop pauvre réel و عطاتنا المعايير .لهنا تأكدنا إنو مشكلتنامن circuit carburant و كمية الإيسونس اللي داخلة للمحرك زايدة .
أول حاجة بدينا نتفقدو فاها هي les valeurs réelles d’injecteurs و الماكينة عطاتنا les bars الكل كيف كيف و لاباس زدناهزيناهم الpompiste بش نتأكدو و طلعو لاباس.
تفقدنا pompe و المعايير اللي عطاتهملنا في الماكينة تدل اللي هي لاباس test pression carburant. مبعدها تفدنا sonde lambda و طلعت لاباس .
بعد هاذا الكل يقعد عنا كان système EVAP ما تفقدناهوش اللي هي électrovanne canister de purge أول ما حطينا الماكينةمتاعنا قلتلنا الحالة متاع الvalve (ON) (normalement هي تتحل و تتسكر يعني تتبدل ON وOFF ) لهنا تأكدنا إنو ال valve de purge متكوانسيا و ديما محلولة و الإيسونس ديما خارج منها هاكا علاش ECU يقلنا كمية الإيسونس أكثر مالهواء.
مشينا هزينا قطعتنا بش نبدلوها .
بدلنا القطعة متاعنا و فسخنا الcode de defaut نضفنا الكرهبة مالشحم و الأوساخ و رجعت لاباس ، خرجنا عملنا test في الكياسكل شيء stable و الclient متاعنا satisfait ب résultat.
السلام عليكم.
الملفات المرفقة