Changement kit chaîne de distribution Peugeot 208

[حلمي قاهري]

بسم الله والصلاة و السلام على رسول الله
تقرير التدخل تقني لتغيير "شان" بيجو 208
نوع السيارة: بيجو 208المحرك:1.2PureTech
3سيلندر
جاتنا الكرهبة للڨراج ومولاها يشكي من حس غريب في الموتور ( bruit métallique) وضعف في السحب بعد الفحص بالـ فاليز والـ كلاج تبين إن "الشان" مرتخية وولات تلعب دورها بالغالط، وفما خطر كبير لا "تقطع" وتعمل "كسر للموتور".







حطينا الكرهبة فوق الكريك وطلعناها






فرغنا الزيت وبدينا نفكو في "الكارتير" بحذر خاطر العادة يجي لاصق بـ "الباطا جوان بعد مكملنا نحيناه نظفنا "الكريپين" (الصافية متاع الزيت) مليح مليح من الفضلات وبقايا الشان القديمة لضمان دورة زيت نقية، وركبنا جوان جديد ببات نظيفة باش نتجنبو أي "فويت" (تسريب).تركيب "الكت" الجديد:ركبنا "كيت شان" جديد أصلي، وثبتنا في الـ "كلاج" على "الشعرة" باستعمال الأدوات الخاصة




. تأكدنا من الشد الصحيح لـ "البار توندور" (البكرة الشدادة) باش ما تبقاش ترخف.









التقفيل والتشغيل:رجعنا كل شي ل بلاصتو،






واخر مرحلة

عبينا الموتور بالزيت الجديد والمطابق لمواصفات الصانع (ننصحو بالزيت 0W30 الموصى به لمحركات البيجو). عملنا "ديماراج" للموتور، والحمد لله، صوت الموتور ولا مريقل والـ "ريغالتي" مستقر
.التوصيات النهائيةلضمان سلامة الموتور وتجنب المشاكل في محركات الـ PureTech، نصحنا "مولى الكرهبة":المواظبة على "الفيدونج" (تغيير الزيت) في وقتو وبنوعية ممتازة.مراقبة حالة الزيت ونقصانو، خاصة إن هذه المحركات تحتوي على حزام مغمور بالزيت.

[شاهين ماكني]

بسم الله المشاكل هاذي تصير غالبا من اهمال الحريف تبديل الزيت و الفيلتر فالوقت المناسب او في جودة الزيت الخايبة

[Omar nili]

موتار pure tech يتجنبو فيه برشا عباد و يتشكو منو من ماكلة الزيت و vibration لي فيه و رغم هاذا كل ميعرفوش الي بعد 200الف يعملو révision complète يمشيه 200 اخرين. و يركبو في 1.4 hdi موتور +206 و 207 والا يركبلك 1.4 متاع c4 essence double arbre cam و بعد يبدأ يتشاكا من مشكلة تيراج تايح خاطر موتور pure tech 1.2 تيراجو تيارا عللخر بش ينجح معاك موتور لازمك entretien pome a huile مع كل تبديل شان خاطر شان دور في زيت و كيف تبلع تسيب bavure يسد clapine متع lpome