Panne de consommation d'huile moteur

[أسامة طرخاني]

السلام عليكم ليوم باش نحكيلكم على
Panne : Consommation d'huile moteur
سيارة:Peugeot 208 4 CH 1,2 litre essence 3 cylindre

المشكل هذه متسببة فيها برشا حاجات الي خلتنا ناخذوا قرار Révision moteur
بدينا متنحية المحرك باش نخرجوه من الكرهبة

نحينا المحرك وحطيناه على الطاولة وباش تبدا الخدمة بدينا بتنحية faisceau électrique وبدينا في تفريك المحرك نحينا Cache soupape

ونحينا chaîne distribution باش انجمو نحلو ونخرجو les arbres a cames باش نحلو culasse
حلينا culasse

باعد قلبنا المحرك ونحينا carter ونحينا les pistons لقينا المشكل مبدأيا في les pistons خاتر فما usure كبيرا

باعد عملنا les contrôles على chemise باش نعرفو كان فما مشكل فيها و الا ضرر من les pistons عملنا les tests وثبتنا مليح في chemise ملقينا حتى ضرر فيها الي خلينا نقررو
بش نبدلو كان les pistons avec les segments وثبتنا مليح في boc moteur الي مفيه حتى مشكل

نضفنا القطع الكل وغسلناهم مليح وبدينا في التركيب بدلنا les pistons وسكرنا من لوطة وركبنا carter

باعد بدينا في الخدمة على culasse نحينا les soupapes باش نبدلو les pare huiles soupapes
وعملنا rodage لل les soupapes الكل

بعد مكملنا حضرنا ال culasse حطينا joint de culasse في بلاصتو وسكرناه
كبسنا ال culasse avec el couple de serrage الي موجود في les bases de données منع الكرهبة

باعد ركبنا les arbres à cames عملنا mise au point باش نركبو chaîne distribution مع Les tendeurs الجدد

كملنا سكرنا كل شيء وركبنا faisceau électrique الي نحيناه ورجعنا المحرك في السيارة
وصبينا الزيت والماء في المحرك وخدمنا السيارة الحمد للله خدمت

وعملنا effacement لل défaut الي كانو