تويت
اليوم جاتنا كميونة فيها بروبلام في تعدية الفيتاس عملنالها دياقنوستيك بالتاك تول و خرجتلنا كود ديفو PSID26: Vitesses 2/3 système degagement, FMI 0: Donnée valide mais au-dessus plage norme de travail
بدينا في دياقنوستيك audiovisuel باش نحاولو نلقاوش حاجة قبل ما نبداو نفركو les organes لي لاهين ب تعدية الفيتاسات ياخي ما لاحضنا شي
بدينا في التفريك متاعنا و اول حاجة عملناها هـي تستينا les bobines متاع selelcteur de vitesse
عملنا teste de continuité و بعدها resistance bobines لقيناهم لباس عليهم(60ohm)
بعدها زدنا قدمنا و عملنا revision lel selecteur و الي هـيا تتمثل في تبديل les para huiles
و عملنا test lel les capteurs positions fourchettes لقينا el resistance jawha behi zeda (60ohm)
وزدنا تستينا capteur de position arbre principale w l’arbre intermédiaire و كيفكيف لباس عليهم (1200ohm)
رجعنا كل شي في بلاصتو و عملنا effacement le les codes défauts و خرجو باها لولاد و عملو essai sur route لقاو الي ما تبدل شي ياخي
ياخي حبينا نشوفو الالكترو فان
نحيناها من بلاصتها و جربنا بوحدة اخرا باش نحاولو نحصرو el défaut لكن malheureusement باقي نفس المشكلة
رجعنالها الالكتروفان متاعها و قلنا نجربو نبدلولها el calculateur boite متاع كميون اخر
ركبناها و عملنا calibrage lel carta el jdida
عاودنا عملنا effacement lel les caudes défaut وخرجو باها لولاد مرة اخرة
والحمدلله نجحت العملية بعد 4 ايام من التجراب
و تتسما العملية هاذي diagnostique par elimination و توة هانا كمندينالو الكارتة نستناو فيها تجي باش نركبوها و يرجع السيد يخدم عالا روحو
NB: el boite de vitesse mazel ki baddalha mouleha jdida
البوات هاذي اسمها boîte de génération E (Optidriver) فيها 12 سرعة، وفيهم سرعات تدور مباشرة مع الموتور، وفيهم سرعات تدور أسرع شوية من الموتور باش تعاون في الاقتصاد في diesel ، خاصة وقت تسوق على الطريق
النظام الي يبدل السرعات يحكم فيه الكترونيا جهاز اسمو TECU هكاكة تبديل السرعة يكون أوتوماتيكي أما تبقى تنجم تبدل manuellement وقت ما تحب
الملفات المرفقة