تويت
بسم الله والصلاة والسلام على رسول الله
جاتنا كرهبة Renault Clio 4 TCe 0.9 فيها مشكل يتمثل في ralenti instable، يعني الموتور يخدم موش ثابت، الدورات تطلع وتهبط وحدها مع إحساس بعدم استقرار في الخدمة
في البداية كي جاتنا الكرهبة، صاحبها يشكي من عدم استقرار في الموتور خاصة في وضعية الوقوف. عملنا معاينة أولية وبدينا نفهمو طريقة الخدمة متاع الموتور، و الشك انو فما مشكل في تهوئة circuit d’admission ولا دخول هواء زايد للموتور بطريقة غير محسوبة.
باش ننحيو الشك ونزيدو نتأكدو أكثر، عملنا test على corps papillon بطريقة مباشرة. سكّرنا مدخل الهواء بيدنا،
أما لاحظنا اللي المحرك ما سكتش وبقى يخدم، وهذا دليل واضح أنو فما source أخرى قاعد يسرق منها في الهواء داخل circuit d’admission، خاطر القاعدة تقول اللي circuit لازم يكون étanche 100%، وإذا نسكروه بيدنا ونمنعو الهواء، المحرك لازم يسكّت.
أما في حالتنا، المحرك ما سكتش، وهذا خلّانا نزيدو نبحثو أكثر على مصدر الهواء الزايد.
من بعد لقاو ديريت راكبة على corps papillon، كي نحيناها وحطّينا صبعنا في بلاصتها وعمّلنا كيما suppression،
المحرك رجع stable ورجع يخدم مليح من غير خضة ولا رخا.
وزادة باش نتأكدو أكثر، عاودنا حطّينا يدنا على فم الـ papillon ومعاها صبعنا في بلاصة الديريت،
اولهنا المحرك سكت مباشرة، خاطر ما عادش عندو منين يجبد الهواء.
وهذا أكّد اللي الديريت هاذي هي source متاع الهواء الزايد، وهي جاية من système electrovanne purge canister، اللي كانت تخلّي الهواء يدخل للموتور بطريقة موش منظّمة وتسبب في عدم استقرار في الخدمة متاعو.اللي مهمتها تنظّم vapeur متاع البنزين اللي تجي من réservoir وتمشي للadmission، أما في حالتنا كانت عالقة محلولة ديما وما عادش تعمل في الفتح والغلق.
هذا خلا vapeur carburant + air يدخلوا للموتور بطريقة موش محسوبة، ويخربطوا حسابات الكمبيوتر في الهواء الداخل، وبالتالي يولي injection موش منضم حسب المطلوب ويصير عدم استقرار في ralenti وتبان الرخه والتذبذب في عمل المحرك
بعد التشخيص، قمنا بتبديل القطعة اللي مكسورة (électrovanne purge canister) بقطعة جديدة، وبعد التركيب ورجوع كل شيء لبلاصتو، جرّبنا الكرهبة وخدمناها من جديد
بعد التجربة، لقينا أنو الموتور رجع يخدم بطريقة عادية، الـ ralenti ولى stable 100% وما عادش فما تذبذب ولا رخا، والسيارة ولات تخدم بشكل طبيعي وجوها باهي كيف لازم.
نصائح
ديما لازم الحريف يراقب حالة الموتور وإذا بدات تظهر أي علامة متاع رخا أو رجه في ralenti ما يهملهاش،
وزادة يلزم يعمل entretien دوري لنظام admission و purge canister،
وما يستعملش الكرهبة وهو moteur بارد برشة،
وإذا شعل voyant moteur يلزم يعمل دياغنوستيك مباشرة باش يعرف السبب قبل ما تتفاقم المشكلة.
في الأخير، إن شاء الله نكونو وفّقنا في التشخيص والإصلاح، وإن شاء الله تكونوا استفدتو منها الخدمه
السلام عليكم ورحمة الله وبركاته
جاتنا كرهبة Renault Clio 4 TCe 0.9 فيها مشكل يتمثل في ralenti instable، يعني الموتور يخدم موش ثابت، الدورات تطلع وتهبط وحدها مع إحساس بعدم استقرار في الخدمة
في البداية كي جاتنا الكرهبة، صاحبها يشكي من عدم استقرار في الموتور خاصة في وضعية الوقوف. عملنا معاينة أولية وبدينا نفهمو طريقة الخدمة متاع الموتور، و الشك انو فما مشكل في تهوئة circuit d’admission ولا دخول هواء زايد للموتور بطريقة غير محسوبة.
باش ننحيو الشك ونزيدو نتأكدو أكثر، عملنا test على corps papillon بطريقة مباشرة. سكّرنا مدخل الهواء بيدنا،
أما لاحظنا اللي المحرك ما سكتش وبقى يخدم، وهذا دليل واضح أنو فما source أخرى قاعد يسرق منها في الهواء داخل circuit d’admission، خاطر القاعدة تقول اللي circuit لازم يكون étanche 100%، وإذا نسكروه بيدنا ونمنعو الهواء، المحرك لازم يسكّت.
أما في حالتنا، المحرك ما سكتش، وهذا خلّانا نزيدو نبحثو أكثر على مصدر الهواء الزايد.
من بعد لقاو ديريت راكبة على corps papillon، كي نحيناها وحطّينا صبعنا في بلاصتها وعمّلنا كيما suppression،
المحرك رجع stable ورجع يخدم مليح من غير خضة ولا رخا.
وزادة باش نتأكدو أكثر، عاودنا حطّينا يدنا على فم الـ papillon ومعاها صبعنا في بلاصة الديريت،
وهذا أكّد اللي الديريت هاذي هي source متاع الهواء الزايد، وهي جاية من système electrovanne purge canister، اللي كانت تخلّي الهواء يدخل للموتور بطريقة موش منظّمة وتسبب في عدم استقرار في الخدمة متاعو.اللي مهمتها تنظّم vapeur متاع البنزين اللي تجي من réservoir وتمشي للadmission، أما في حالتنا كانت عالقة محلولة ديما وما عادش تعمل في الفتح والغلق.
هذا خلا vapeur carburant + air يدخلوا للموتور بطريقة موش محسوبة، ويخربطوا حسابات الكمبيوتر في الهواء الداخل، وبالتالي يولي injection موش منضم حسب المطلوب ويصير عدم استقرار في ralenti وتبان الرخه والتذبذب في عمل المحرك
بعد التشخيص، قمنا بتبديل القطعة اللي مكسورة (électrovanne purge canister) بقطعة جديدة، وبعد التركيب ورجوع كل شيء لبلاصتو، جرّبنا الكرهبة وخدمناها من جديد
بعد التجربة، لقينا أنو الموتور رجع يخدم بطريقة عادية، الـ ralenti ولى stable 100% وما عادش فما تذبذب ولا رخا، والسيارة ولات تخدم بشكل طبيعي وجوها باهي كيف لازم.
نصائح
ديما لازم الحريف يراقب حالة الموتور وإذا بدات تظهر أي علامة متاع رخا أو رجه في ralenti ما يهملهاش،
وزادة يلزم يعمل entretien دوري لنظام admission و purge canister،
وما يستعملش الكرهبة وهو moteur بارد برشة،
وإذا شعل voyant moteur يلزم يعمل دياغنوستيك مباشرة باش يعرف السبب قبل ما تتفاقم المشكلة.
في الأخير، إن شاء الله نكونو وفّقنا في التشخيص والإصلاح، وإن شاء الله تكونوا استفدتو منها الخدمه
السلام عليكم ورحمة الله وبركاته