تويت
السلام عليكم ورحمة الله وبركاته.
جتنا للورشة سيارة من نوع Renault clio classique، وصاحبها كان يشكي من صعوبة وقت يبدّل vitesse، وزادة كي يرفع ساقو من الدبرياج السيارة تتهزّ وما تمشيش طبيعي. بعد ما جرّبنا السيارة، فهمنا اللي المشكل جاية من ديسك الأمبرياج.
بعد الفحص الأوّلي، لقينا:
الديسك لابس عليه يتبدّل.
الميكانيزم (embrayage) مستهلك.
البوتيه كان يعمل صوت خفيف.
بالصور يبان الطقم القديم كيفاش متاكل وما عادش يخدم مليح.
مراحل التصليح :1. فكّينا الكابو وشوفنا حالة المحرّك من فوق.
2. رفعنا السيارة على pont باش نخدمو مرتاحين من تحت.
3. فصلنا البطارية للسلامة.
4. نحّينا العجلات الأمامية وبدينا نفكو في boulons متاع boîte vitesse.
5. هبّطنا boîte vitesse بشوية بشوية.
6. وصلنا للديسك والميكانيزم، ولقيناهم متاكلين (كما في الصور).
7. نزعنا الطقم القديم كامل (الديسك + الميكانيزم + البوتيه).
8. ركبنا disque جديد من نفس النوعية، وركّزناه بالسيبور المركزي باش يجي مضبوط في بلاصتو.
9. رجّعنا boîte vitesse وربطنا كل boulons والكوابل.
10. رجّعنا البطارية والعجلات.
11. في الأخير جرّبنا السيارة و vitesses ولّاو يدخلوا بامتياز.
أثناء الخدمة استعملنا:
huile boîte 75W80 لتعويض زيت علبة السرعة بعد الفك.
graisse spéciale embrayage للبوطيه وللنقطة المركزية.
شوية WD-40 لفك les boulons اللي كانو شدّين.
بعد ما كملنا الخدمة:
تبديل السرعات ولى سهل وبلا صوت.
الدبرياج رجع خفيف ويخدم طبيعي.
السيارة خرجت لاباس وتخدم كي الجديدة.
و الحمدلله، بدّلنا ديسك الأمبرياج للسيارة بطريقة صحيحة وبأدوات مناسبة. المشكل اتصلّح والنتيجة كانت ناجحة 100%. السيارة خرجت مهيّأة للاستعمال بلا أي مشاكل
الملفات المرفقة