تويت
السلام عليكم ورحمة الله وبركاته
جاتنا سيارة Megane 3 للورشة فوق SOS متخدمش حسب مقال صاحب السيارة قال كان يمشي بيها في الطريق فجاة سمع صوت ضربة قوية في وسط moteur وبعد سكتت ومعاش تحب تخدم .فبدينا اول حاجة حلينا cage soupape حتي توظاح الرؤية ياخي قينا chaîne de distribution تقطعت فكملنا حلينا culasse وخرجناه وقيناه في الحالة يلي تشوف فيها
كيما تشوف soupape d’échappement تكسرت في وسط piston فبحثنا وحبينا نشوف شنوة سبب يلي وصل سيارة للحالة هدي .شفنا fichier d'entretien متاع الكرهبة ياخي قينا يلي كان لازم من مدة علي صاحب الكرهبة يبدل chaîne de distribution وهو كان ناسي معملش l'entretien في الوقت يلي لازم يعملو فتسبب في الكارثة هدي فنستنتج من هوني انو في عالم السيارات l'entretien هي اهم حاجة باش نحافظ علي سلامة وعمر المحرك ولازم نعمل entretien حتي قبل وقتو ان كان vidange ou amortisseur ou kit chaîne نظرا وانو المعاير متاع l'entretien تخدمت علي ظروف بلدان خير منا مثل حالة طرقاتنا والهواء الملوث بتراب يدخل وسط المحرك وجودة الزيت والبنزين كل هل عوامل تاثر علي السيارة.
نرجع لسيارة نظرا لارتفاع كلفت اصلاح كل القطع المتضررة وباش تاخو برشا وقت تبديل culasse et les 4 pistons فضل الحريف انو يبدل ويركب محرك جديد وهاك يلي قمنا بيه
الملفات المرفقة