تويت
Réservoir : 62 L
Nombre de cylindres : 6
Nombre de soupapes par cylindre : 4
Cylindrée : 3189 cc
Position du moteur : Avant
السلام عليكم ليوم باش بحكيو على Golf 4 R32 هي edition limite من دار فولكس فاقن خرجت من عام 2002 إلى 2004 و من الحاجات إلي عجبتني في الكرهبة هاذي إنو موتورها 3.2 ل و Vr6 و يخرج قريب 250 HP , و لفكرة متاعو إنهم يستغلو moteur 6 cylindre en ligneأقصر باش يركبوه على كراهب Hatchback et surtout كراهب traction , هذا إلي خلاها كرهبة قوية ياسر و تعطينا أداء رياضي ممتاز
هاذي الكرهبة بالذات إلي صنعت تاريخ و عطات قوة و ميزة ل دار Volkswagen إلى يومنا هذا .
باهي خلينا نبداو ب Golf 4 إلي خرجتها دار فولكس فاقن 1997 و عام 1998 بدات تبيع فاهم حتى ل عام 2004 و في 2004 وقفت دار فولكس فاقن في أوروبا إنتاج الكراهب هاذم و لكن المكسيك و البرازيل و الصين و بعض الدول الأخرى بقاو بقاو يصنعو فاها الكرهبة هاذي حتى عام 2013 و الدول هاذم بقاو يخرج و يبيعو و الناس تشري tellement كرهبة محبوبة و خذات شهرة كبيرة من العالم الكل معناها يوريك قوة التصميم و الابداع متاع الكرعبة في 1998 .
و كان زادا l'intérieur متاعها مهبول وقتها كانت أول مرة تستعمل فولكس فاقن qualité de matière شبابة إلي صنعت بيه tableau de bord و le volant و les panneaux... و كانت وقتها les disigne en bois في l'intérieur متع الكرهبة حاجة ما صارتش قبل و زيد فاها accoudoirs avant et arrière و poste MP3 و خرجت فاها زادة GPS و toit ouvrant و ESP و ABS .. هاذم الكل وقتها أول مرة لعباد يشوفوهم في كرهبة Hatchback .
من عام 1998 إلى 2002 وصلت دار فولكس فاقن خرجت 5 ملاين كرهبة ، بعد ما حققت الفوز متاعها على خاتر في الوقت هذاكا كانت ل Golf 4 تتنافس مع Opel Astra G و Ford Focus و Honda Sevic و Peugeot 307 و ربحتهم في برشا حاجات، وقتها قررت فولكس فاقن تخرج version sport و كانت وقتها Golf Vr5 جاء فاها موتور 5 cylindre 2.3 l تخرج قريب 170 HP و عملت فيتاس من 0 ل 100 في 8.6 ثواني تتسمى في الوقت هذاكا حاجة قوية .
و بعد خرجت فولكس فاقن Golf GTI و بعد خرجت الكرهبة إلي هيا موضوعنا R32 و هاذي كانت أول جيل لل version Kit R إلي تجي فاها 4 roue motrice و هذا النظام معقد برشة بالنسبة ل كرهبة Hatchback على خاتر فيه système mécanique و système électronique و هاذي وقتها زادة أول boite DSG تخرج في العالم فاها 6 rapport .
و le mixage هذا بين موتور VR6 و boite DSG خلولنا الكرهبة تمشي من 0 ل 100 في 6 ثواني و هاذي وقتها حاجة رعب على خاتر وصلت عملت 250 km/h ك سرعة قصوى