تويت
السلام عليكم ورحمة الله وبركاته
جتني كرهبة من نوع Volkswagen Scirocco 1.4 TSI فيها برشا مشاكل: تأخير في الديماراج و manque tirage. كي عملت diagnostic لقيت برشا défauts طالعين في نفس الوقت، وهذا خلاني نشك اللي المشكل موش في pièce وحدة، بل ممكن يكون في faisceau électrique ولا حاجة مشتركة تأثر على السيستام الكل.زاد قالي client صار هذا مشكل بعد ما قعدت برشا مخدمتش
خديت multimeter و schéma électrique و بديت نخدم بطريقة منظمة. أول défaut ركزت عليه هو متاع capteur régime moteur (signal non plausible). قست alimentation و masse مقيتش زوز فصلت batterie و calculateur moteur، و بديت نقيس في résistance و continuité
القياسات ما كانتش منطقية: خيط عطاني OL (يعني مقطوع)، خيط آخر 12.3 Ohms، وخيط آخر 0.5 Ohm، وهوني تأكدت اللي فما مشكل في faisceau
بديت نتبع في faisceau خاصة في البلايص اللي يتجمع فيهم الماء ولا فيهم سخانة، و في نفس وقت نعمل في teste continuité لين حصرة مشكل وين لقيت السلك مقصوص
صلحت faisceau كيما يلزم، عملت لحام نظيف وعزل مليح، ومن بعد رجعت ركبت كل شي. مسحت défauts و خدمة الكرهبة، والحمد لله المشكل تنحى: الكرهبة ولات تخدم عادي و tirage و vibration و témoin تنحو رجع عادي محرك .
الخلاصة: كي تلقى برشا défauts مع بعضهم، غالباً المشكل يكون في faisceau ولا alimentation، موش ديما في capteur. و الا actionneur الخدمة بالترتيب واستعمال schéma électrique يعاون برشا باش توصل للتشخيص الصحيح.
الملفات المرفقة