Golf 6 1.6 TDI – Perte de puissance

[بن جلول عبد الغني]

بسم الله الرحمان الرحيم

جاتنا اليوم كرهبة Volkswagen Golf 6 1.6 TDI تعاني من ضعف في الأداء، حيث الحريف يتشكة من نقص واضح في القوة متاع المحرك (perte de puissance)، خاصة وقت وين يضغط على بدال الاكسيلاتور الكرهبة ما عادش تجاوب

في البداية عملنا تشخيص باستعمال جهاز الدياغنوستيك وراقبنا paramètres متاع التيربو. ركزنا خاصة على pression de suralimentation de consigne اللي هي القيمة المطلوبة من طرف calculateur، وpression de suralimentation effective اللي هي الضغط الحقيقي اللي قاعد يعطيه التيربو.

باش نتأكدو من الحالة، عملنا test بسيط وبدينا نعفسو علي بيدال الاكسيلاتور وقتها لقينا valeur de consigne طلعت حتى لـ 1900 و2000 millibar كما هو مطلوب، أما valeur effective بقات في حدود 900 millibar فقط وما وصلتش للvaleur المطلوب. هذا أكد أنو التيربو ما هوش قاعد يعطي الضغط اللازم للموتور.
أما في الحالة هاذي ما نجموش نحكمو مباشرة على التيربو ونبدلوه، لذلك بدينا نفتشو على système commande متاعو. فحصنا capsule de commande متاع التيربو والـ axe اللي يتحكم في géométrie متاعو. لقينا أنو الـ axe ما كانش يتحرك كيما يلزم، والسبب موش من capsule بيدها، أما من غياب الـ dépression اللي يلزمها توصلها باش تخدم.
بعدها تبعنا circuit dépression كامل. لقينا أن الـ dépression توصل للcapsule عن طريق électrovanne de suralimentation، والـ électrovanne .
هاذي بدورها تاخذ الـ dépression من pompe à vide.

و مبعد الفحص هذا الكل كان الفيديو حاجه ماتتوقش السهل الممتنع اكتشفنا أن الـ clapet anti-retour كان مركب بالمقلوب. وكي يكون راكب بالمقلوب، الـ pompe à vide تحاول تعمل dépression، أما الـ clapet يمنعها من الوصول للإlectrovanne ومن بعد للcapsule متاع التيربو.
لهنا ولى الـ axe متاع capsule ما يتحركش، والتيربو ما عادش يحل بالطريقة الصحيحة، وبالتالي ما عادش يعطي pression de suralimentation المطلوبة.
قمنا بتصحيح وضعية الديريت اسيره متاعو الصحيحه الـ clapet للاتجاه الصحيح، وبعدها عملنا دياغنوستيك من جديد باستعمال جهاز

لقينا أن pression effective ولات تتبع pression de consigne بطريقة عادية، والتيربو رجع يخدم كما يلزم، والـ axe متاع capsule ولى يتحرك بصورة طبيعية.
بعد تجربة الطريق تأكدنا أن الكرهبة رجعت تجاوب مليح، واختفى الـ perte de puissance بالكامل، والتيربو رجع يعطي الضغط المطلوب.
ومن الملاحظات اللي لفتت انتباهنا أنو بعد رجوع التيربو للخدمة الطبيعية خرج شوية دخان من الشكمون، وهذا أمر عادي في الحالة هاذي خاطر خلال فترة العطب كان mélange riche، يعني كمية المازوط أكبر من كمية الهواء الداخلة للموتور. جزء من الوقود ما كانش يتحرق بالكامل، ومع رجوع ضغط التيربو الطبيعي بدات الرواسب والدخان تخرج تدريجياً من circuit d’échappement.


و نصيحة قبل ما يتم التفكير في تغيير التيربو، لازم ديما يتعمل فحص كامل لـ circuit de dépression خاطر برشة أعطال تكون مرتبطة به أكثر من التيربو نفسه.

من المهم زادة التأكد من اتجاه وتركيب clapets anti-retour أثناء أي تدخل على الديريتات، لأن أي خطأ صغير في التركيب يسبب خلل في عمل النظام كامل.

كما ينصح بمراقبة حالة durites de dépression بصفة دورية للتأكد من عدم وجود تشققات أو تسريبات ممكن تأثر على الأداء.

وأخيرًا، لازم ديما يتم الاعتماد على الدياغنوستيك ومقارنة valeur de consigne مع valeur effective قبل اتخاذ أي قرار بتغيير القطع، لتفادي التبديل العشوائي للقطع الغالية.

او في لخر، الحمد لله تم إصلاح المشكل من غير ما الحريف يبدل أي قطعة ومن غير مصاريف زايده ورجعت الكرهبة تخدم بصورة طبيعية


و السلام عليكم و رحمة الله تعالى وبركاته