تويت
ليوم جاتنا بولو 6 تاكسي يشكي مولاها من نقصان كبير في الزيت وليوم صبح فيها حس تقربيع في المتور قنالو لازم نحلو باش معرفة الديفو شنيا عطانا الموافقة توكلنا على ربي ونحينا المطور لوطا وبدينا نحلو فيه أول حاجة عملنها نحينا الاكسوراة لكل وبعد وتوكلنا على ربي ونحينا الكيلاس ياخي لقينا تراس فوق كعبة البستون ايا كملنا حلينا الكرتار والفيلبروكان ومن بعد نحينا البيستونات ياخي لقينا وحدة فيهم تكسرة وهي الي عملة الديفو لكلو ايا كملنا فركنا الكيلاس وهزيناهم الزوز لتورنور تستاهم قلنا مريڨلين ايا كملنا شرينا من عند كعبة بيشون اوكازيون في الاوريجين وركبنا ڨيداة الكيلاس وتعدينا شرينا جوان كيلاس،البرويلات الكل،بسورات،سوبابات،سيڨمونات،الزيت والفلتروات ،كوسيني ابني وبيال.ايا رجعنا للكاراج وبدينا نضفو في المتور مسخ ياسر في حالة كارثية ايا كملنا غسلناه وبدينا نسكرو فيه كملنا سكرنا البلوك وبعد عملنا روداج صوباب وكملنا سكرنا الكيلاس وبتوفيق من عند ربي تمكنا باش نكملو نسكرو المترو وحتيناه في بلاستو والحمدالله خدمة الكرهبة من غير حتى ديفو وهزها مولاها فرحان