بسم الله الرحمان الرحيم

Bouchon de carrousserie موجودة في كل كرهبة
حسب تجربتي الشخصية القطعة هاذي عندها عمر و ديفواتها يظهرو من بعد 10 سنين تقريبا
و بحكم قطعة بلاستيكية تتهرٓى من خلال تعرضها للعوامل الخارجية خاطر بطبيعتها هي تجي اللوطى في chassis متاع الكرهبة
و لتعرضها إلى المياه الراكدة في الطرقات أو الأخطاء التي يرتكبها الميكانيكي أثناء رفعه للسيارة بالـ ( كريك ) أو مع تقدم عمر الكرهبة

من ضمن المشاكل التي تسببـها
le bouchon de carrosserie :
تدفق الغبار إلى داخل السيارة ثم التراكم .
كما تسبب تدفق المياه إلى داخل السيارة أيضا .
مما تسبب روائح كريهة ( ندوى) تحت moquette

كما تسبب مشاكل مثل صوت يأتي من أسفل السيارة و يصعب معرفته لأن السبب ليس سببا ميكانيكيا و انما ضجيج محرك و صوت دوران العجلات هذا ما يجعل الوصول إلي سبب الضجيج في صورة عطب ما أمرا صعبا .
و لحل هذا المشاكل :
تنحي الكراسي و الموكات و تعمل فحص شامل على البوشونات و تبدل القطعة المهلوكة .

حسب التجربة إلي عندي مشيت شريتهم من اليهودية منحين من كرهبة اخرى و لقيت بعض المواقع التونسية على الانترنات تبيع فيهم بأسوام معقولة
و أنا ننصح الناس الكل كيما يعملو
entretien
للموتور يعملو زادا
entretien
للبوشونات هاذم باش يستحفظو على الطولى الدخلانية من التآكل و الصديد.

والله اعلم و احكم
و السلام عليكم و رحمة الله