حول هذه المدونة

السلام عليكم و رحمة الله و بركاته اليوم جاتنا E46 فيها مشكل فيها تهريب الكهرباء كيما نعرفو يلزم نتبعو الحكاية و نعملو التاست متاعنا إلي هو من شروطو تكون الكرهبة في sleep mode و الأومبرمتر يكون راكب بالباهي en serie مع masse batterie... بدينا التاست و القيمة إلي ثبت فيها courant هي 0.4 أومبير تتسمى طالعة برشة ... بديت ب boiter fusible بقيت نحي بالواحد بالواحد و عيني ديما عالأومبيرمتر لكن دون نتيجة التهريب ماهوش من غادي ...مشيت للراديو إلي هو من أكثر الحاجات إلي تنجم تسبب المشكل هذي لكن دون أي نتيجة نحيت التاست و نحيت sleep mode و حاولت نشوف شنيا ما يخدمش في الكرهبة ينجم يكون التهريب من غادي طلع الكرسي coté passager إلي هو إلكتروني ما يخدمش قلت نحي الفيشة متاع module de siege passagé و نعاود التاست و بالفعل طاحت l intensité من 0.4 الى 0.01 لكن هذا شطر الحل حبيت نتبع السيركوي كامل و بديت بالكموند متاع الكرسي ( أكيد بعد ما رجعت الفيشة متاع module ) و المرة هذي من الأول طاحت يعني المشكل من الكموند