تويت
الـ zf-8hp يجي بهواية سيارات اندفاع خلفي او رباعي واشهر سيارة موجودة عدنة يجي بيها هذا الكير هي التشارجر وكذلك الكريسلر 300 (الاوباما)..
الـzf-8hp صناعته المانية ويجي 8 سرعات، اول ظهوره كان على سيارة bmw حجم 760 محرك v12 ، وبعدين شركة bmw اعتمدت الكير بكل طرازاتها (الدفع الخلفي والدفع الرباعي).
اكثر ما يميز الـ zf-8hpهو تحسين استهلاك الوقود، وتكول الشركة المصنعة ان هذا الكير حقق توفير بنسبة 11٪ مقارنة مع الكير القديم (zf-6) الي يجي بـ6 سرعات، وقلصت أوقات الانتقال بين النمر إلى 200 مللي ثانية، وكذلك قدرة الكير على الانتقال من النمرة الـ8 إلى الـ2 مباشرة بترجيع النمر في حالة الحاجة الى التعجيل.
كير الـ zf-8hp، وزنه 87 كيلوغرام فقط وبأخر جيل اله صار يتحمل 1000 نت.م من عزم الدوران.
الشركات الي تستخدم كير الـ zf-8hp
- بي ام دبليو
- ألبينا
- دوج
- الفا روميو
- استون مارتن
- أودي
- بنتلي
- كرايسلر
- هفال
- جاكوار
- جيب
- لامبورغيني
- لانسيا
- لاند روفر
- مازيراتي
- رام
- رولزرويس
- تويوتا
- فولكس فاغن
