تويت
يعد الدخان الأزرق في المازوط أحد المشاكل إلي منهملهاش و كي يبان الدخان باللون هذا يعني الزيت دخل إلى غرفة الاحتراق انجم اكون سبب بسيط و ميتكلفش و انجم زادا يكون الموتور بدأ يبلع يا ترفزنو يا تشري واحد آخر جديد و من اسباب دخول الزيت إلى غرفة الاحتراق هي تستعمل زيت يبدا خايب موش منصوح به يبدا فيه مشكل في المكونات متاعو
عندك زادا segment piston تعملها و زيد تبدا سيلاندر بدا يتاكل على داير متاعها، عندك زادا pare huile soupape يبدو طابو معادش يصلحو إولي إهبط الزيت إلى سيلاندر.
ننسوش التيربو يمكن في تونس و حسب ممارستي لقليلا هذي معضم لكراهب يتشكو من نقص الزيت بسبب التيربو أيا مالا خلي نعطيكم فكرة صغيرة على التيربو هذا حسب معلوماتي المتواضعة و لقليلا بش نحافظو عليه اكثر وقت و أكيد نحافظو على فلوسنا بش يخدم التيربو بالباهي لازمو يتزيت و حسب علمي أكثر زيت يمشي معاه 10w40
ولي يهلك التيربو مثال دوب ما تخدم الكرهبة و تبدا باردة و زيت مدارش فيه و انت دراكت تنزل على بدال accélérateur و عندك زادا الزيت يبدا ناقص برشا ولا يبدا زايد برشا في الموتور يهلك التيربو ديما خلي الزيت في المتوسط طرمبة متع الزيت كان متخدمش و الفيلتر الهواء يبدا مسدود بالوسخ يهلكو التيربو. و كي تبدا تمشي بالكرهبة و تاقف متسكرش دراكت خلي الكرهبة تخدم شوي على بلاصتها و بعد سكرها.
... ملخص لحديث كان ريت الدخان الأزرق و زيت نقص دراكت ثبت مالحاجات هاذم تنجم تكون حاجة بسيطة و يمشي مخك دراكت الي الموتور تهلك و بدا يبلع و تخسر فلوسك حرام
شباب في الحديث هذا تنجم تكون ناقصة حاجة في معلوماتي و زادا تكون غالطة خليو تعاليق متاعكم بش نستفادوا ناس الكل
سلام
تعليق