تويت
السلام عليكم ليوم بش نحكي على مشكلة تعرضنالها في الورشة . باهي السيارة كانت من نوع سيتروان سي 3 1.6 مازوط . باهي الكرهبة جات ساكتة و بحكم ماكينة الدياغنوستيك مازالو يخدمو باها حطيتلها انا شارجور و دفقتلها فيزيبلووات و طلعو لاباس . جبنا الماكينة و طلعتلنا ديفو synchronisation arbre a came et vilebrequin و ديفوات اخرين ما عندهمش علاقة ب الديماراج باهي لهنا قمنا بالتؤكد مل continuité مابين الخيوط ل المربوطة ب capteur arbre a came و capteur régime و طلعت عنا مشكلة في خيوط الريجيم و قمنا باصلاحها لاكن الديفو مازال متنحاش مل ماكينة لهنا دخلنا نقراو على capteur régime ديراكت و كان يعطي في قيمة غالطة . جبنا كابتلور اخر جربنا بيه و باقي نفس الشيِئ . لهنا جات لصاحب الورشة الفكرة انو لازمنا نعملو طلة على السيبل لي يقرا عليه كبتور الريجيم و الموجود في poulie vilebrequin و فعلا لقيناه مضروب بأسباب مجهولة . بدلنا البولي بكلها و أخيرا تنحا الديفو و رتحنا منوا . حاولنا نخدموها لاكن باقي الكرهبة ساكتة جبنا الفشفاشة و ما خدمت كان بتفشفيش و استنتجنا لي فما مشكلة فل سركوي أنجكسيون . جبنا الماكينة و شفنا ضغط المازوط و طلعت القيمة 7.4 bar
لهنا عرفنا لي فما تسرب للمازوط . نحيت الفيلتر الفوقاني و بديت نفركس على التسريب و مضهر شي هبط ملوطة نشوف و فعلا طلع فما تسريب من فان دوزاج . جبنا مفتاح ل كلي غريف و عملنالها كبسة باهية و باقي تسريب موجود لهنا نحيناه بش نتأكدو مل جوان توريك و فعلا طلع فيه تقطيعة هي لي كانت سبب التسريب . أخيرا بدلنا الجوان و تنحى التسريب و اشتغلت السيارة .
لهنا عرفنا لي فما تسرب للمازوط . نحيت الفيلتر الفوقاني و بديت نفركس على التسريب و مضهر شي هبط ملوطة نشوف و فعلا طلع فما تسريب من فان دوزاج . جبنا مفتاح ل كلي غريف و عملنالها كبسة باهية و باقي تسريب موجود لهنا نحيناه بش نتأكدو مل جوان توريك و فعلا طلع فيه تقطيعة هي لي كانت سبب التسريب . أخيرا بدلنا الجوان و تنحى التسريب و اشتغلت السيارة .