تويت
السلام عليكم و رحمة الله
اليوم باش نحكيو على defaut جانا في كرهبة
Fiat doblo commercial مولاها يتشكى ديما من نقص متاع ماء وسخانة
الحمد لله إلٓي أحنا نتعاملو مع كليوناتنا بالثيقة و ننصحوهم قبل ما نبداو في أي حاجة
على خاطر كيما تعرفو إلي برشا ميكانيسيانات يغزرو للكليونات متاعهم ( فلوس) .
كي جانا الكليون كان خايف من
Debut de joint
ياخي ما تسرعناش و حاولنا نخدمو باللوجيك الpanne هذا بالأساس يكون من circuit متاع التبريد إلا في حالة يكون circuit الماء ما فيه حتى مشكل وقتها نتعداو للbloc
توكلنا على ربي و حلينا capot و عملنا نظرة شاملة على moteur و بعد طلعنا الكرهبة على pont
لقينا فما ماء يقطر عرفنا الي المشكلة ماهيش
Début de joint (الحمد الله fuite externe)
ثبتنا مليح لقينا الجـعَب متاع الماء مسَوسين و تنقبو
السبب إنو مولى الكرهبة يصب في ماء سبٓالة
كملنا عملنا فحص شاملة على circuit الماء الكل ، لقينا زادا جَـعبة أخرى مسَوسَة و durites الكل في حالة خايبة عالاخر بحكم الكرهبة كبيرة شوية في العمر
و فجأةً لقينا تضييع متاع زيت زادا مابين boite
vitesse و moteur
فهنا نستنتج حصلنا زادا defaut آخر إلي هو
Pare huile vilebrequin تضيع في الزيت
علمنا مولاها بالdefaut الثاني قبل ما نصلحوه ، ياخي وافق على تصليحو
توكلنا على ربي بدينا في الخدمة
نحينا collecteur admission ,cache moteur, collecteur echappementو turbo (لهنا يلزمنا نردو بالنا على خاطر كي جينا انحو فtube الي توَصل الزيت لturbo نقبناها بdémonte pneu و أنا ننصحكم إنكم تسايسوها خاطرها قطعة ياسر فينو ).
وبعد نحينا cardon و نحينا boite vitesse و نحينا plateau ،volant moteur و disque embrayage باش نوصلو pare huile vilebrequin و منها لجعَب الماء المهلوكين زادا
و تفقدنا soufflet cardon لقيناها مقطعة
زدنا نحيناها
لمينا لقطايع القديمة الكل ما بعضها و اعطينها لصاحب الكرهبة باش يجيب عليهم قطايع جدد
و بما أنو أحنا حلينا ...... طلب منٓا client باش نتفقدولو disque embaraye و plateau ، لقيناهم مزالو يمشيو حوالي
80.000 كيلو.
الحمد الله جات القطايع الجدد
بدلنا pare huileو soufflet و durites d'eau
و عملنا montage متاعنا و بدينا نركعبو في القطايع من آخر قطعة لأول قطعة نحيناها ( استغرقو منا
ساعة و نص تقريبا ! )
- و بعد ما كملنا ركبنا ، رجعنا الزيت متاع boite و خدمنا الكرهبة وصبينا liquide de refroidissement special
و الحمد لله دارت مروحةmoteur
خرجنا الكرهبة و جربناها و ما لقينا فيها حتى مشكلة (تنحات مشكلة السخانة و ماعادش تضيع في الماء و لا الزيت )
خذات منا وقت 7 سوايع خدمة بين ايجاد المشكل و تنحيٓة القطايع و شريانهم و ثمٓ تركيبهم.
و هاذم تصاور قمت بتصويرهم أثناء العمل ???????? للتوضيح
ربي يباركلكم على حسن المتابعة
و القراءة
و ان شاء الله نكون نفعتكم معايا
الملفات المرفقة
تعليق