تويت
Défaut EGR PEUGEOT 308 SW
بسم الله الرحمان الرحيم
السلام عليكم ورحمة الله و بركاته اولا نبدأ بالصلاة على رسولنا الكريم سيد الخلق و المرسلين
اليوم باش نحكي على الكرهبة PEUGEOT 308 SW
لي راكب فها Moteur HDI 1.6
جتنا الكرهبة لل Atelier باش نعملولها vidange
الClient قال للشاف انو كيف يكسيلاري تبدى تقربع و انو الConsommation du Carburant ولات برشا و بلي يكسيلاري الكرهبة متفوتش 2500tr/min و قالو انو هزها الزميل قبلنا قلو عندك Défaut fil Catalyseur .
بعد مكملنا vidange خدمناها باش نشوفو المشكل شنوا، لقينها تخرج في برشا دخان اكحل و الموتور يرعش،
و هذا فيديو للكرهبة وقت لي خدمناها.
الشاف قلنا خلينا نمشو بكلام زميلنا لي قلو على Défaut اول مرة ونثبتو.
جبلنا الشاف Catalyseur متع نفس الكرهبة موجود عندو في ال Atelier.
بدلنا الCatalyseur لكن بقت نفس المشكل، و وقت لي نبدلو فيه نحينا Les Injecteurs باش نعملولهم تاست لقيناهم لباس و مريقلين.
حسب تجربتي و تجربة الزملاء لي معايا قلنا انو Défaut باش يكون في EGR خاطر الاسباب لي قدامنا متع كان Défaut هذا.
ركبنا L'appareil de Diagnostic و عملنا تشخيص كامل للكرهبة طلعلنا Les codes défauts P0405 /P1459/P0409 و Les codes هاذم يطلعولنا كي يبدا عنا مشكل في EGR.
قلنا للClient على Défaut لي عندو و حب انو يشري من قطع الغيار المستعملة عندو الفرصة انو يجربها و زيد معاها Garantie و فالوقت اذاكا نظفنا circuit كامل متع لEGR.
اخر مرحلة ركبنا الEGR هاذي لي جبهولنا الClient
و بعد ركبنا L'appareil de diagnostic و عملنا effacement lel défaut و خدمنا الكرهبة و رجعت stable و صوتها عادي و خرج الclient فرحان.
أرجو أن تكون المعلومات التي قدمتها مفيدة و السلام
تعليق