نهار من النهارات جاتن 2012 Audi A3 2.0 TDI، صاحبها يشكيلي يقولي:
«السيارة ما عادش تجري كي عادة، وكي نسرّع تحسها مخنوقة، وأحيانًا يطلع ضو moteur».
ركبتها وجربتها، أوّل حاجة لاحظتها إنو السحب ضعيف(tirage faible ) وما ثماش ذاك الإحساس متاع التيربو، وزادة تقطيع خفيف.
هنا قلت أكيد بانّة تيربو.????
بديت بـ diagnostic، طلعلي erreur متاع ضغط تيربو ناقص.
قلت ما نستعجلوش، نمشي بالترتيب.
حلّيت الكبّوت وبديت نشيّك: لقيت خرطوشة فاكيوم فيها تشقّق صغير، بدّلتها، جرّبت… التحسّن كان بسيط برك.
مشيت لـ vanne N75، جرّبتها، طلعت ما تخدمش كيف اللازم، بدّلتها.
عاودت نجرّب السيارة، السحب تحسّن شوية، أمّا مازال مش نورمال.????
هنا عرفت اللي المشكل من داخل التيربو. فكّيت التيربو من بلاصتو، لقيت géométrie variable معبّية كربون، الريش ما تتحرّكش بالساهل.?
نظّفتها مليح،نظّفتُ المكان ولم يبقَ أيّ أوساخ ثم، تشحيم خفيف، وتثبّت من actuateur يخدم مليح.
قبل ما نرجّعو، ثباتة زادة في:
الديوريت
تسرّب هواء
ما فماش زيت داخل التيربو
ركّبت التيربو من جديد، شدّيت كل شي مليح، عملت تجربة في الطريق.?
النتيجة؟
السيارة رجعت تجري، السحب رجع قوي، ما عادش تقطيع، وضو moteur طفا.
صاحب السيارة خرج فرحان، وأنا زادة.​